શાહુડીનો શિકાર કરી તેનું માસ ખાતાં 2 શિકારીઓને વન વિભાગે જેલના પિંજરે પૂર્યા

ગાંધીનગર:જિલ્લામાં શાહુડીનો શિકાર કરતા 2 શિકારીઓને વન વિભાગે ઝડપી પાડ્યા છે. થોડા દિવસ પહેલા 2 વ્યક્તિઓ દ્વારા રક્ષિત પ્રાણી શાહુડીનો શિકાર કરતો વીડિયો વાયરલ થયો હતો. શિકારીઓ શાહુડીનો શિકાર કરીને તેનું માસ આરોગતાં હતા. વાયરલ વીડિયોના આધારે વન વિભાગ દ્વારા તપાસ હાથ ધરવામાં આવી હતી. વન વિભાગે 2 આરોપીને ઝડપી પાડ્યા છે. આ શિકારીઓ વિરુદ્ધ વન્યજીવ સંરક્ષણ અધિનિયમ હેઠળ કાર્યવાહી કરવામાં આવી છે.