Ancient Vishnu idol found : કૃષ્ણા નદીમાંથી પ્રાચીન વિષ્ણુની મૂર્તિ અને શિવલિંગ મળ્યાં, રામલલાની મૂર્તિ જેવું સામ્ય નિહાળો

કર્ણાટક : કર્ણાટકના રાયચુર જિલ્લામાં કૃષ્ણા નદીમાંથી એક પ્રાચીન વિષ્ણુની મૂર્તિ અને એક શિવલિંગ મળી આવ્યું છે. કેટલાક લોકોએ અયોધ્યાના રામ મંદિરમાં તાજેતરમાં સ્થાપિત કરવામાં આવેલી રામલલાની મૂર્તિ સાથે મળી આવેલી મૂર્તિઓની સામ્યતા પણ દર્શાવી છે. વિષ્ણુ મૂર્તિ વિશે જણાવતાં રાયચુર યુનિવર્સિટીના પ્રાચીન ઇતિહાસ અને પુરાતત્વના લેક્ચરર ડૉ. પદ્મજા દેસાઈએ જણાવ્યું હતું કે આ મૂર્તિ ક્યારેક કદાચ મંદિરના ગર્ભગૃહની શોભા રહી હશે અને મંદિરના સંભવિત વિનાશના સમયે નદીમાં પધરાવી દેવામાં આવી હશે. ડો.દેસાઈએ જણાવ્યું હતું કે, કૃષ્ણા નદીના તટમાંથી મળેલી આ વિષ્ણુ મૂર્તિમાં વિશેષ વિશેષતાઓ છે. વિષ્ણુની આસપાસની આભા મત્સ્ય, કુર્મ, વરાહ, નરસિંહ, વામન, રામ, પરશુરામ, કૃષ્ણ, બુદ્ધ અને કલ્કિ જેવા 'દશાવતાર'નું પ્રતિનિધિત્વ કરે છે. મૂર્તિમાં વિષ્ણુને ઊભી સ્થિતિમાં દર્શાવવામાં આવ્યા છે અને તેમના ચાર હાથ છે, તેમના બે ઉપલા હાથ 'શંખ' અને 'ચક્ર' ધરાવે છે અને બે નીચેના હાથ વરદાન આપતી સ્થિતિમાં છે. શાસ્ત્રોમાં વર્ણવ્યા મુજબ મૂર્તિ વેંકટેશ્વર જેવી છે. જો કે, આ મૂર્તિમાં ગરુડ નથી, જે સામાન્ય રીતે વિષ્ણુની મૂર્તિઓમાં જોવા મળે છે. તેના બદલે બે ભક્ત મહિલાઓ છે. તેમણે કહ્યું કે વિષ્ણુ શણગારના શોખીન હોવાથી હાસ્ય મુખમુદ્દાના વિષ્ણુની આ મૂર્તિને તોરણો અને આભૂષણોથી શણગારવામાં આવી છે. આ મૂર્તિએ મંદિરના ગર્ભગૃહની સુંદરતા વધારી હશે. પ્રતિમા અકબંધ છે, પરંતુ તેના નાકને થોડું નુકસાન થયું છે. શક્ય છે કે મંદિર પર હુમલા દરમિયાન નુકસાનથી બચાવવા માટે પ્રતિમાને પાણીમાં સંતાડી દેવામાં આવી હશે. પુરાતત્વવિદોનું માનવું છે કે આ પ્રતિમા 11મી કે 12મી સદીની છે.