ફિલાડેલ્ફિયા : રાજકારણ અને વ્યક્તિત્વ પર એકબીજાનો સામનો કરતા કમલા હેરિસ અને ડોનાલ્ડ ટ્રમ્પે દેશ માટે તેમના ખૂબ જ અલગ દ્રષ્ટિકોણ દર્શાવ્યા. મંગળવારના રોજ બંને પહેલીવાર મળ્યા, જેમાં નવેમ્બરમાં યોજાનાર રાષ્ટ્રપતિની ચૂંટણી પહેલા તેમની સંભવિત એકમાત્ર ડિબેટ હતી. ઉનાળામાં તોફાની ઝુંબેશ પછી ઉમેદવારો માટે આ એક હાઈ પ્રેશર અવસર હતો. રિપબ્લિકન પાર્ટીને GOP તરીકે પણ ઓળખવામાં આવે છે.
US પ્રમુખપદની ડિબેટ :આ મુકાબલાથી અમેરિકનોને જૂનમાં યોજાયેલ છેલ્લી ચર્ચા પછી નાટકીય રીતે બદલાઈ રહેલા અભિયાન પર વિગતવાર નજર નાખવાનો મોકો મળ્યો છે. કમલા હેરિસે ચર્ચા દરમિયાન ભૂતપૂર્વ રાષ્ટ્રપતિ ટ્રમ્પના પ્રસ્તાવિત ટેક્સ કટ અને ટેરિફ પર પ્રહાર કર્યો. આ સાથે રિપબ્લિકન પાર્ટીના ગર્ભપાત નીતિ અંગેના પ્રયાસોને રૂઢિચુસ્ત તરીકે રજૂ કરવામાં આવ્યા હતા. તેના જવાબમાં ટ્રમ્પે હેરિસને જો બાઈડેન સાથે જોડવાનો પ્રયાસ કર્યો હતો.
હેરિસે અર્થતંત્ર અને લોકશાહીની સ્થિતિ માટે ટ્રમ્પની આકરી ટીકા કરી હતી. જ્યારે તેમણે પદ છોડ્યું કોવિડ-19 રોગચાળાએ દેશમાં તબાહી મચાવી હતી. તેમના સમર્થકોએ 6 જાન્યુઆરી, 2021 ના રોજ કેપિટલમાં હુમલો કર્યો, જેથી 2020 ની રાષ્ટ્રપતિની ચૂંટણીને ઉથલાવી શકાય.
હેરિસે કહ્યું, "અમે જે કર્યું છે, તે ડોનાલ્ડ ટ્રમ્પની ગડબડને સાફ કરે છે." તેમણે પોતાના પ્રતિભાવની શરૂઆત એમ કહીને કરી કે, 90-મિનિટની ચર્ચા દરમિયાન મતદારો તેમના GOP પ્રતિસ્પર્ધી પાસેથી જૂઠાણું અને ફરિયાદો સાંભળશે તેવી અપેક્ષા રાખે છે. આ દરમિયાન ટ્રમ્પે હેરિસને તેના અગાઉના ઉદાર વલણને છોડી દેવા બદલ પ્રહાર કર્યો અને કહ્યું- 'હવે તે મારા દ્રષ્ટિકોણ પર જઈ રહી છે.
હેરિસ ઉદારવાદી મુદ્દાઓથી હટીને દરેક માટે મેડિકેયરના વિસ્તરણ અને ફરજિયાત બંદૂક ખરીદી કાર્યક્રમ પર વધુ ઉદારવાદી વલણ રાખવા પર જોર આપ્યું હતું. આ બંને પહેલી વાર મળ્યા હતા. 2016 ની ઝુંબેશ પછી પ્રથમ વખત રાષ્ટ્રપતિની ચર્ચામાં હાથ મેળવ્યા હતા.
ગર્ભપાત નીતિ :હેરિસે ટ્રમ્પની સૌથી મોટી ચૂંટણી નબળાઈઓમાંથી એકને નિશાન બનાવી હતી. ચર્ચા દરમિયાન ટ્રમ્પે પોતાની ગર્ભપાત નીતિનો બચાવ કરતાં કહ્યું કે, ગર્ભપાતને લઈને ડેમોક્રેટ્સની નીતિઓ જૂની થઈ ગઈ છે. જ્યારે કમલા હેરિસે મહિલાઓની પસંદગીની હિમાયત કરી અને કહ્યું કે, મહિલાઓને તેમના શરીર સાથે શું કરવું જોઈએ તે જણાવશો નહીં. કમલા હેરિસે કહ્યું કે, જો ડોનાલ્ડ ટ્રમ્પ ચૂંટણી જીતશે તો તેઓ સમગ્ર દેશમાં ગર્ભપાત પર પ્રતિબંધ લગાવી દેશે. ટ્રમ્પે તેને ખોટું ગણાવતા કહ્યું કે, હું પ્રતિબંધ પર હસ્તાક્ષર નથી કરી રહ્યો અને પ્રતિબંધ પર હસ્તાક્ષર કરવાનું કોઈ કારણ નથી. ટ્રમ્પે કહ્યું કે, તેઓ આ મુદ્દાને રાજ્યો પર છોડવા માંગે છે.
અર્થવ્યવસ્થા અને ટેક્સ :હેરિસે અર્થવ્યવસ્થામાં સુધારો કરવાની તેમની યોજનાઓ વિશેના પ્રશ્નના જવાબમાં જણાવ્યું હતું કે, તે બાળકો સાથેના પરિવારો માટે કર કાપ અને નાના વ્યવસાયો માટે કર કાપને અનુસરશે. જ્યારે તેમણે તે સામાન પર 'સેલ્સ ટેક્સ' ના રૂપમાં વ્યાપક ટેરિફ લાદવાની ટ્રમ્પની યોજના પર પ્રહાર કરતા કહ્યું કે, અમેરિકન લોકોએ તેનું પરિણામ ચૂકવવું પડશે. ટ્રમ્પે વળતો જવાબ આપતા કહ્યું કે, "મારી પાસે કોઈ સેલ્સ ટેક્સ નથી." આ એક ખોટું નિવેદન છે. ટ્રમ્પે હેરિસને 'માર્કસવાદી' કહેવાનું ચાલુ રાખતા કહ્યું કે, સૌ કોઈ જાણે છે કે તે માર્ક્સવાદી છે.
- રાષ્ટ્રપતિ બાઇડેને 4 વર્ષમાં 48 વર્ષની રજા લીધી, 532 દિવસ મજામાં વિતાવ્યા
- અમેરિકાના રાષ્ટ્રપતિ જો બાઈડેને રાષ્ટ્રપતિની ચૂંટણીમાંથી દાવેદારી પરત ખેંચી
