ઓટાવા: કેનેડાના વાનકુવરમાં લોકપ્રિય ઈન્ડો-કેનેડિયન રેપર અમૃતપાલ સિંહના ઘરની બહાર ફાયરિંગની ઘટના સામે આવી છે. ઘણા મીડિયા રિપોર્ટ્સમાં કહેવામાં આવ્યું છે કે પોલીસ અને સુરક્ષા એજન્સીઓએ તેમની તપાસ શરૂ કરી દીધી છે. તમને જણાવી દઈએ કે અમૃતપાલ સિંહને એપી ધિલ્લોન તરીકે પણ ઓળખવામાં આવે છે. તેના પંજાબી ગીતો ઘણીવાર ઇન્ટરનેટ પર ધૂમ મચાવે છે.
અધિકારીઓને શંકા છે કે, આ હુમલા પાછળ ગોલ્ડી બ્રારની આગેવાની હેઠળની ગેંગનો હાથ હોઈ શકે છે. જે 2022માં પંજાબી ગાયક સિદ્ધુ મૂઝવાલાની હત્યા સહિત અનેક હાઈ-પ્રોફાઈલ ગુનાઓ સાથે જોડાયેલ છે.
સલમાન ખાનને પણ ધમકીઓ આપવામાં આવી છે
તે હાલમાં કાર્યરત સૌથી ખતરનાક ગુનાહિત ગેંગમાંનું એક હોવાનું માનવામાં આવે છે. આ ગેંગે બોલીવુડ અભિનેતા સલમાન ખાનને પણ ધમકી આપી છે. એપી ધિલ્લોનના ઘરની બહાર ફાયરિંગના સમાચાર ગાયકે તેના નવા ટ્રેક 'ઓલ્ડ મની' રિલીઝ કર્યા પછી આવ્યા છે, જેમાં બોલિવૂડ સ્ટાર્સ સલમાન ખાન અને સંજય દત્ત છે.
90 ના દાયકાની ક્લાસિક બોલિવૂડ એક્શન ફિલ્મોથી પ્રેરિત, વિડિયોમાં બે સુપરસ્ટાર્સને ઢિલ્લોન અને તેના મિત્રો સાથે ઉચ્ચ દાવ પરના મિશન પર દર્શાવવામાં આવ્યા છે. રિપબ્લિક રેકોર્ડ્સ અને યુનિવર્સલ મ્યુઝિક કેનેડા સાથેની તેમની નવી ભાગીદારી હેઠળ આ ટ્રેક તેમની પ્રથમ રજૂઆત છે.
આ પણ વાંચો:
- વિજય વર્માની 'IC 814' વિવાદમાં, આતંકવાદીઓના નામ સાથે છેડછાડનો મામલો, Netflixના કન્ટેન્ટ હેડને સમન્સ - The Kandahar Hijack
