નવી દિલ્હી:2025-26 માટેનું કેન્દ્રીય બજેટ બહાર પાડવામાં આવ્યું છે. આ દરમિયાન નાણાપ્રધાન નિર્મલા સીતારમણે ભાડા પર ટેક્સ ડિડક્ટેડ એટ સોર્સ (Tax deducted at source) (TDS)ની વાર્ષિક મર્યાદા રૂપિયા 2.40 લાખથી વધારીને રૂપિયા 6 લાખ કરી છે. નાણામંત્રીએ કહ્યું કે, આનાથી TDSના દાયરામાં આવતા વ્યવહારોની સંખ્યામાં ઘટાડો થશે, જેનાથી નાના કરદાતાઓને ફાયદો થશે. પરંતુ આ નાના કરદાતાઓમાં પણ કોને ફાયદો થશે? ચાલો જાણીએ...
કોને ફાયદો થશે?
તમને જણાવી દઈએ કે, આ નિર્ણય તે બધાને અસર કરે છે જેઓ ભાડું ચૂકવે છે અને TDSને પાત્ર છે. પછી તે ઘરનું ભાડું હોય કે ઓફિસ, દુકાનો કે અન્ય મિલકતોનું ભાડું. ભાડા પરની વાર્ષિક TDS મર્યાદા રૂપિયા 2.40 લાખથી વધારીને રૂપિયા 6 લાખ કરવાથી ઓછી કિંમતના ભાડા વ્યવહારોમાં TDS કપાતની જરૂરિયાત ઘટશે.
મકાન માલિકોને આ રીતે થશે ફાયદો:આ નિર્ણયથી મુખ્યત્વે મકાનમાલિકો (ખાસ કરીને નાના મકાનમાલિકો)ને ફાયદો થાય છે જેઓ વાર્ષિક રૂપિયા 6 લાખ કરતા ઓછું ભાડું મેળવે છે, કારણ કે ભાડૂતો હવે તે ભાડા પર TDS કાપશે નહીં. પરિણામે મકાન માલિકોને કોઈ પણ ટેક્સ કાપ્યા વગર ભાડાની સંપૂર્ણ રકમ મળશે.
ભાડૂતોને આ રીતે થશે ફાયદો:આ નિર્ણયથી ઓછા ભાડા ચુકવતા ભાડૂતોને પણ ફાયદો થશે કારણ કે તેઓએ TDS કપાત અને જમા કરવા સાથે સંકળાયેલ વધારાના કાગળ અથવા અનુપાલન કાર્યને હેન્ડલ કરવાની જરૂર રહેશે નહીં. જો વાર્ષિક ભાડું રૂપિયા 6 લાખથી ઓછું હોય, તો ભાડા પરનો TDS હવે લાગુ થશે નહીં.
આનો અર્થ એ થયો કે જ્યારે ભાડૂતોને ચૂકવવામાં આવતા ભાડા પર દર મહિને 20,000 રૂપિયાના દરે TDS કાપવામાં આવતો હતો, હવે આ મર્યાદા વધારીને 50,000 રૂપિયા કરવામાં આવી છે.
આ પણ વાંચો:
- કેન્દ્રીય બજેટ 2025-26માં ગુજરાતને મળી અનેક ભેટ, ગુજરાત ભારત@2047માં પણ અગ્રેસર રહેવા સજ્જ
- નોંધી લો ! સરકારી આ યોજનાથી તમને ઘરે બેઠા મળશે રૂ. 3000 પેન્શન, આ રીતે કરો અરજી
