শহুৰেকৰ হাতত প্ৰাণ হেৰুৱালে বোৱাৰীয়েকে

নগাঁও, 21 ফেব্ৰুৱাৰী : নগাঁও জিলা বঢ়মপুৰৰ কন্দলীৰ আহুতলীত লোমহৰ্ষক ঘটনা সংঘটিত হৈছে ৷ শহুৰেকৰ হাতত প্ৰাণ হেৰুৱালে এগৰাকী বোৱাৰীয়ে ৷ ইফালে ককাকৰ আক্ৰমণৰ পৰা মাতৃক ৰক্ষা কৰিবলৈ গৈ আহত হয় বোৱাৰীগৰাকীৰ কন্যা । আহত কিশোৰীগৰাকী সপ্তম শ্ৰেণীৰ ছাত্ৰী বুলি জানিব পৰা গৈছে ৷ সম্প্ৰতি আহত কিশোৰীগৰাকীক সংকটজনক অৱস্থাত নগাঁও চিকিৎসালৈ প্ৰেৰণ কৰা হৈছে  । মৃত বোৱাৰীগৰাকীৰ নাম দীপালী বুলি জানিব পৰা গৈছে ৷ 

জানিব পৰা মতে, শহুৰেক মুৰুলি তাঁতীয়ে দাৰে ঘপিয়াই এই জঘন্য কাণ্ড সংঘটিত কৰে ৷ পৰৱৰ্তী সময়ত স্থানীয় ৰাইজে আৰক্ষীক খবৰ দিয়াত নগাঁও আৰক্ষীৰ শীৰ্ষ বিষয়া ঘটনাস্থলীত উপস্থিত হয় ৷ কি কাৰণত শহুৰ মুৰুলি তাঁতীয়ে এই ঘটনা সংঘটিত কৰিলে এতিয়াও জানিব পৰা নাই । বৰ্তমান ঘটনাৰ তদন্ত আৰম্ভ কৰিছে নগাঁও আৰক্ষীয়ে ।

লগতে পঢ়ক: Silsako Eviction Drive: শিলসাঁকোৰ উচ্ছেদিতৰ চকুত চকুপানী; দ্বিতীয় দিনাও প্ৰায় শতাধিক ঘৰ উচ্ছেদ