নিশা গুৱাহাটীৰ বাৰত যুৱতীক মাৰপিটৰ অভিযোগ - Beating up by bar bouncer - BEATING UP BY BAR BOUNCER

গুৱাহাটী, ১৪ জুলাই : নিশা গুৱাহাটীৰ বাৰত আকৌ মাৰপিটৰ ঘটনা ৷ গণেশগুৰিৰ এখন বাৰখনত এই ঘটনা সংঘটিত হয়  ।

এগৰাকী যুৱতীক বাৰৰ বাউন্সাৰে মাৰপিট কৰাৰ অভিযোগ উত্থাপিত হৈছে ৷ কেমেৰাত বন্দী হৈছে ৰাজপথত যুৱতীগৰাকীক ভাবুকি দিয়াৰ দৃশ্য । এগৰাকী মহিলাই যুৱতীগৰাকীক চোঁচৰাই চোঁচৰাই মাৰিম বুলি ভাবুকি দিয়ে ।

এই সন্দৰ্ভত দিছপুৰ আৰক্ষীয়ে বাৰখনৰ তিনিজন লোক আটক কৰি সোধ-পোছ অব্যাহত ৰাখিছে । কেবাজনো বাউন্সাৰে যুৱতীগৰাকীক মাৰপিট কৰাৰ অভিযোগ উত্থাপিত হৈছে ৷ যুৱতী দুগৰাকী বাৰৰ পৰা ওলাই অহাৰ সময়তে বাহিৰত বাউন্সাৰে আন লোকৰ লগত সংঘৰ্ষত লিপ্ত হৈ আছিল ৷ সেই সময়তে ভুক্তভোগী এগৰাকী যুৱতীয়ে কিয় কাজিয়া কৰিছে বুলি সোধাত আক্ৰমণৰ বলি হয় যুৱতীগৰাকীও ৷

বাউন্সাৰে যুৱতী দুগৰাকীৰ ম’বাইল ফোন, নগদ ধন, সোণৰ চেইন কাঢ়ি লোৱাৰো অভিযোগ উত্থাপিত হৈছে ৷ আনহাতে যুৱতী দুগৰাকীৰ বিৰুদ্ধে অভিযোগ আনিছে বাউন্সাৰে । অভিযোগ অনুসৰি সুৰাৰ নিচাত বাৰৰ গ্লাছ আৰু ফুলৰ টাব ভাঙি লণ্ডভণ্ড কৰিছিল যুৱতীদ্বয়ে । বাৰৰ সম্পত্তি অনিষ্ট কৰা সমগ্ৰ দৃশ্য বন্দী হৈ আছে কেমেৰাত ।

লগতে পঢ়ক : বশিষ্ঠৰ বাৰত আৰক্ষীক আক্ৰমণৰ ঘটনা : পুনৰ আন এজন আৰক্ষীক প্ৰানে মৰাৰ ভাবুকি