টীয়কত নামঘৰীয়াৰ চোকা অস্ত্ৰৰ আঘাতত গুৰুতৰভাৱে আহত এজন - Man Hit by Sharp Weapon

টীয়ক, 15 এপ্ৰিল : ৰাজ্যবাসী বিহুৰ আনন্দত মতলীয়া হৈ থকাৰ মাজতে টীয়কৰ লাহদৈগড় আৰক্ষী চকীৰ অন্তৰ্গত মেলেং গ্ৰাণ্টৰ মধুপুৰ গাঁৱত সংঘটিত হয় এক জঘন্য ঘটনা ৷ প্ৰাপ্ত অভিযোগ মতে জবকাৰ্ডৰ কামৰ কিছু বিসংগতিৰ সন্দৰ্ভত হোৱা মতানৈক্যৰ ফলত চোকা অস্ত্ৰৰে আক্ৰমণ এজন লোকক ৷

এই গাঁৱৰে নাথুৰাম বৰা, শশাংক বৰা, অভিজিত বৰা আৰু সৌৰভ বৰা নামৰ লোক কেইকজনে একে গাঁৱৰে প্ৰশান্ত বৰা নামৰ লোকজনক চোকা অস্ত্ৰৰে উপৰ্যুপৰি আক্ৰমণ কৰি গুৰুতৰভাৱে আহত কৰে ৷ বৰ্তমান যোৰহাট চিকিৎসা মহাবিদ্যালয়ত চিকিৎসাধীন হৈ আছে আহত ব্যক্তিগৰাকী ৷

এই সন্দৰ্ভত গুৰুতৰভাৱে আহত প্ৰশান্ত বৰাৰ পত্নী ৰশ্মিৰেখা নেওগ বৰাই লাহদৈগড় আৰক্ষী চকীত দিয়া এজাহাৰৰ ভিত্তিত চাৰিজন অভিযুক্তৰ ভিতৰত নাথুৰাম বৰাক আৰক্ষীয়ে ইতিমধ্যে আটক কৰি তদন্ত অব্যাহত ৰাখিছে ৷ জানিব পৰা মতে নাথুৰাম বৰা এই গাঁৱৰে নামঘৰীয়া ৷
 

লগতে পঢ়ক : কাজিৰঙা ৰাষ্ট্ৰীয় উদ্যানত বনৰীয়া ম'হৰ আক্ৰমণত নিহত বনকৰ্মী - Wild Buffalo Attacked In Kaziranga