উমানন্দত সেৱা ল’লে গুৱাহাটীৰ সাংসদ বিজুলী কলিতা মেধিয়ে - BIJULI KALITA MEDHI - BIJULI KALITA MEDHI

গুৱাহাটী, 13 জুন : বৃহস্পতিবাৰে উমানন্দ মন্দিৰত উপস্থিত হ’ল গুৱাহাটী লোকসভা সমষ্টিৰ নৱ-নিৰ্বাচিত সাংসদ বিজুলী কলিতা মেধি ৷ বিগত লোকসভা নিৰ্বাচনত কংগ্ৰেছৰ প্ৰাৰ্থী মীৰা বৰঠাকুৰক বৃহৎ ভোটৰ ব্যৱধানত পৰাস্ত কৰি গুৱাহাটী সমষ্টিত বিজয়ৰ হাঁহি মৰা বিজুলী কলিতা মেধিৰ লগতে উমানন্দত দেখা গ’ল উৎসাহী দলীয় নেতা-কৰ্মীকো ৷

আজি পুৱাই গুৱাহাটীৰ কাছাৰী ঘাটৰে সপৰিয়ালে উমানন্দত উপস্থিত হয় সাংসদগৰাকী ৷ সাংসদ হিচাপে শপত গ্ৰহণৰ পূৰ্বে উমানন্দত পূজা-অৰ্চনা কৰে সাংসদগৰাকীয়ে ৷  

প্ৰধানমন্ত্ৰী নৰেন্দ্ৰ মোদী আৰু মুখ্যমন্ত্ৰী ড৹ হিমন্ত বিশ্ব শৰ্মাৰ নেতৃত্বত আগবাঢ়ি যোৱা দেশখনৰ লগতে ৰাজ্যৰো যাতে ভাল কাম কৰি যাব পাৰে তাৰ বাবে প্ৰভুৰ ওচৰত সেৱা লয় বুলি সদৰী কৰে গুৱাহাটীৰ সাংসদগৰাকীয়ে ৷ উল্লেখ্য যে 18 জুনত দেশৰ আন সাংসদসকলৰ লগতে সাংসদ হিচাপে শপত গ্ৰহণ কৰিব বিজুলী কলিতা মেধিয়ে ৷
 

লগতে পঢ়ক : সীতাজখলাৰ ৬৭ সংখ্যক প্ৰতিষ্ঠা দিৱস উদযাপন - registration day of Sitajakhala