শিহৰণকাৰী পথ দুৰ্ঘটনাৰ ভয়াৱহ দৃশ্য বন্দী CCTV ত

যোৰহাট, 13 ফেব্ৰুৱাৰী: ভয়াৱহ পথ দুৰ্ঘটনাৰ শিহৰণকাৰীৰ দৃশ্য বন্দী হ'ল CCTV ত । মৰিয়নীত সংঘটিত হৈছে পথ দুৰ্ঘটনাটো ৷ ঘটনাৰ বিৱৰণি অনুসৰি নাগালেণ্ড দিশৰ পৰা মৰিয়নী অভিমুখে আহি আছিল এখন ট্ৰাক । এই সময়তে সংঘটিত হয় দুৰ্ঘটনাটো ৷ উক্ত শিহৰণকাৰী দুৰ্ঘটনাটোৰ দৃশ্য আৱদ্ধ হয় সমীপৰ ব্যৱসায়িক প্ৰতিষ্ঠানৰ CCTV কেমেৰাত । 

নিয়ন্ত্ৰণ হেৰুৱাই দুৰ্ঘটনাত পতিত হোৱা ট্ৰাকখন পথৰ পৰা বহুদূৰ চুঁচৰি যায় । ফলত পথটো ধূলি-ধোঁৱাই ছানি ধৰে ৷ দুৰ্ঘটনাটোৰ ফলত পথচোৱাত বহু সময় ধৰি যান-বাহন চলাচলত ব্যাঘাত জন্মে ৷ পৰৱৰ্তী সময়ত মৰিয়নী আৰক্ষী ঘটনাস্থলীত উপস্থিত হৈ যান-জঁট নিয়ন্ত্ৰণ কৰিবলৈ সক্ষম হয় ৷ 

দুৰ্ঘটনা সংঘটিত হোৱা সময়ত পথটোত যান-বাহন আৰু পথচাৰীৰ সংখ্যা অতি কম হোৱাৰ বাবে কোনো লোক দুৰ্ঘটনাটোৰ দ্বাৰা ক্ষতিগ্ৰস্ত হোৱা নাই বুলি জানিব পৰা গৈছে । অৱশ্যে ট্ৰাকখনৰ চালক আৰু হেণ্ডিমেনজন গুৰুতৰভাবে আঘাতপ্ৰাপ্ত হয় । 

লগতে পঢ়ক: গৌৰীসাগৰত মুখামুখি সংঘৰ্ষ: নিহত এক