বজাৰলৈ শীঘ্ৰেই আহিব Realme P3 series; বিক্ৰীৰ বাবে উপলব্ধ হ’ব ফ্লিপকাৰ্টত

শীঘ্ৰে ভাৰতৰ বজাৰত মুকলি হ’ব Realme P3 series স্মাৰ্টফোন । ফ্লিপকাৰ্টত বিক্ৰীৰ বাবে উপলব্ধ হ’ব মুকলি হ’বলগীয়া এই ফোনটো ৷

হায়দৰাবাদ: Realme এ ভাৰতীয় বজাৰত মুকলি কৰিবলৈ ওলাইছে এটা নতুন স্মাৰ্টফোন । এই লাইনআপত বহু ডিভাইচ লঞ্চ হ’ব যদিও স্পষ্ট কৰা হৈছে যে Realme P3 Pro স্মাৰ্টফোন মুকলি কৰা হ’ব । টিজাৰটোত স্মাৰ্টফোনটোৰ বৈশিষ্ট্যসমূহৰ বিষয়েও কিছু তথ্য আগবঢ়োৱা হৈছে । বিগত ছেপ্টেম্বৰ মাহত মুকলি কৰা Realme P2 Pro 5G ৰ সফলতাৰ পিছত কোম্পানীটোৱে ভাৰতৰ বজাৰত Realme P3 Pro মুকলি কৰিবলৈ ওলাইছে । এই ফোনটো ফ্লিপকাৰ্টত বিক্ৰীৰ বাবে উপলব্ধ হ’ব বুলি জানিবলৈ পৰা গৈছে ।

ফ্লিপকাৰ্টে নিজৰ ৱেবছাইটত এটা মাইক্ৰ’ছাইট মুকলি কৰিছে, য’ত ই-কমাৰ্চ প্লেটফৰ্মত Realme P3 ছিৰিজৰ উপলব্ধতা স্পষ্ট কৰা হৈছে । কোম্পানীটোৱে এতিয়াও মুকলিৰ তাৰিখ প্ৰকাশ কৰা নাই যদিও প্ৰ’ স্মাৰ্টফোনৰ বাহিৰে এই ছিৰিজত আন কোনবোৰ ডিভাইচ মুকলি কৰা হ’ব সেই সম্পৰ্কে কোনো তথ্য দিয়া নাই ।

GT Boost ৰ বৈশিষ্ট্যসমূহ কি কি?

বজাৰলৈ শীঘ্ৰেই আহিব Realme P3 series; বিক্ৰীৰ বাবে উপলব্ধ হ’ব ফ্লিপকাৰ্টত (Realme India)

• কোম্পানীটোৱে স্পষ্ট কৰি দিছে যে Realme P3 Pro স্মাৰ্টফোনত GT Boost ফিচাৰ থাকিব ।
• ই সুস্থিৰ ফ্ৰেম হাৰ, উচ্চ ফ্ৰেম হাৰ সমৰ্থন, স্থিৰ নেটৱৰ্ক সংযোগ, উন্নত বেটাৰী আৰু উন্নত টাচ্চ স্ক্ৰীণ প্ৰদান কৰিব ।
• এই বৈশিষ্ট্যই উন্নত গ্ৰাফিক্স, উন্নত টাচ্চ স্ক্ৰীণৰ সৈতে গেমিং অভিজ্ঞতাক আৰু অধিক উন্নত কৰিব ।
• চলিত মাহৰ পৰা realme GT 7 Pro স্মাৰ্টফোনতো উপলব্ধ হ’ব GT Boost ফিচাৰ ।

ৰঙৰ বিকল্প আৰু দাম

91Mobiles ৰ এক প্ৰতিবেদন অনুসৰি ফেব্ৰুৱাৰী মাহৰ তৃতীয় সপ্তাহত ভাৰতীয় বজাৰত Realme P3 Pro মুকলি হোৱাৰ সম্ভাৱনা আছে । ই চেটাৰ্ণ ব্ৰাউন, গেলাক্সি পাৰ্পল আৰু নেবুলা ব্লু ৰঙৰ বিকল্পত মুকলি হ’ব বুলি জানিব পৰা গৈছে । ইয়াৰ ৰেম আৰু ষ্ট’ৰেজৰ কথা ক’বলৈ গ’লে ইয়াৰ তিনিটা ভেৰিয়েণ্ট 8GB + 128 GB, 8GB + 256GB আৰু 12 GB + 256 GB উপলব্ধ হোৱাৰ সম্ভাৱনা আছে । Realme P3 ছিৰিজত P3 5G, P3x 5G আৰু P3 Ultra অন্তৰ্ভুক্ত হ’ব পাৰে । Realme P3 Pro ৰ মূল্যৰ বিষয়ে কোনো তথ্য পোৱা হোৱা নাই ৷ উল্লেখ কৰা প্ৰয়োজন যে ভাৰতত Realme P2 Pro স্মাৰ্টফোনটো 21,999 টকাত মুকলি কৰা হৈছিল ।

লগতে পঢ়ক: 24,999 আৰম্ভণি মূল্যত ভাৰতত মুকলি হ’ল Realme 14 Pro series