হায়দৰাবাদ: দেশত বৰ্তমানো অব্যাহত উৎসৱৰ বতৰ । এইবাৰ মহিন্দ্ৰাই মুকলি কৰিছে নিজৰ স্ক’ৰপিঅ’ৰ ক্লাছিক বছ এডিচন । ইয়াত বিশেষ পৰিৱৰ্তনও দেখা পাব । Mahindra Scorpio Classic Boss Edition কিহৰ বাবে ইমান বিশেষ জানো আহক---
ন সংযোজন: মহিন্দ্ৰাই মুকলি কৰিছে Scorpio Classic Boss Edition । নতুন বছ এডিচনত বহু পৰিৱৰ্তন কৰা হৈছে । ইয়াৰ সন্মুখৰ গ্ৰীল, হেডলাইট, ফগ লাইট, বনেট স্কুপ, দুৱাৰৰ হেণ্ডেল আৰু পিছফালৰ টেইল লাইটৰ চাৰিওফালে ডাৰ্ক ক্ৰ’ম আছে । ইয়াৰ উপৰিও ইয়াত ৰূপালী ৰঙৰ স্কিড প্লেটৰ সৈতে ফ্ৰন্ট বাম্পাৰ এক্সটেণ্ডাৰ আছে । কেৱল এয়াই নহয়, বছ এডিচনৰ অ’আৰভিএমক কাৰ্বন ফাইবাৰ ফিনিচিং দিয়া হৈছে । ইয়াৰ লগতে বছ এডিচনত ড’ৰ ভাইজাৰ আৰু ৰিয়াৰ বাম্পাৰ প্ৰটেক্টৰৰ দৰে অন্যান্য আনুষংগিক সামগ্ৰীও প্ৰদান কৰা হৈছে । ইয়াৰ লগতে আপহলষ্টৰীৰ বাবেও ক’লা থিম দিয়া হৈছে । ইয়াৰ ডেচব’ৰ্ড এতিয়াও ডুৱেল টোন ক’লা আৰু বেইজৰ সংমিশ্ৰণত উপলব্ধ । এই সংস্কৰণত ডিঙিৰ কুশ্বন আৰু গাৰুৰ ব্যৱস্থা কৰা হৈছে ।
ইঞ্জিন: মহিন্দ্ৰা স্কৰ্পিঅ’ ক্লাছিক বছ এডিচনত 2.2 লিটাৰৰ mHawk ডিজেল ইঞ্জিন আছে । এই ইঞ্জিনে 3750 আৰ পি এমত সৰ্বোচ্চ শক্তি 130 বি এইচ পি আৰু 1600-2800 আৰ পি এমত 300 এন এমৰ শীৰ্ষ টৰ্ক উৎপন্ন কৰে । ইয়াক 6 স্পীড মেনুৱেল গিয়াৰবক্সৰ সৈতে সংযুক্ত কৰা হৈছে । কিন্তু আপুনি অটোমেটিক ট্ৰেন্সমিছন আৰু 4X4 ড্ৰাইভট্ৰেইন নাপাব ।
ডিজাইন: মহিন্দ্ৰা স্ক’ৰপিঅ’ ক্লাছিক বছ এডিচন SUV ৰ ৰূপ আৰু ডিজাইনৰ কথা ক’বলৈ গ’লে নতুন বছ এডিচনত বনেট স্কুপ, ফ্ৰন্ট গ্ৰীল, ফগ লেম্প, ৰিয়াৰ ৰিফ্লেক্টৰ, টেইল লেম্প, দুৱাৰৰ হেণ্ডেল, চাইড ইনডিকেটৰত ডাৰ্ক ক্ৰ’ম গাৰ্নিচৰ বৈশিষ্ট্য আছে ৷ পিছফালে কোৱাৰ্টাৰ গ্লাছ আৰু হেডলেম্প দিয়া হৈছে । ইয়াৰ উপৰিও ফ্ৰন্ট বাম্পাৰ, ৰেইন ভিজাৰ আৰু অ’ আৰ ভি এমৰ বাবে এড-অন কাৰ্বন ফাইবাৰ কভাৰ আছে । ইয়াৰ উপৰিও SUV খনত ৰিয়াৰ গাৰ্ড লগোৱা হৈছে । য’ত ক’লা পাউদাৰৰ আৱৰণ দিয়া হৈছে ।