নিউজ ডেস্ক, 9 অক্টোবৰ:বিশ্বৰ ভিতৰতে সৰ্বাধিক ব্যৱহৃত মেছেজিং এপসমূহৰ ভিতৰত অন্যতম হ’ল হোৱাটছএপ ৷ কেৱল ভাৰততে হোৱাটছএপৰ 50 কোটিৰো অধিক সক্ৰিয় ব্যৱহাৰকাৰী আছে । পেছাদাৰী হওক বা ব্যক্তিগত হওক, ছ’চিয়েল মিডিয়া গ্ৰুপ মেটাৰ ইনষ্টেণ্ট মেছেজিং এপে সকলোতে মানুহৰ জীৱন বহু সহজ কৰি তুলিছে ।
উৎসৱৰ সময়ত হোৱাটছএপৰ ব্যৱহাৰ আৰু অধিক বৃদ্ধি পায় । এতিয়া দেশত দুৰ্গা পূজা চলি থকাৰ লগতে দীপাৱলী উৎসৱ ওচৰ চাপি আহিছে আৰু আমাৰ বেছিভাগেই হোৱাটছএপক ব্যৱহাৰ কৰি আমাৰ বন্ধু-বান্ধৱী আৰু পৰিয়ালৰ লোকলৈ শুভেচ্ছা প্ৰেৰণ কৰিম । কিন্তু আটাইতকৈ ডাঙৰ সমস্যাটো তেতিয়াই উদ্ভৱ হয় যেতিয়া আমি একেলগে বহু লোকলৈ বাৰ্তা প্ৰেৰণ কৰিবলগীয়া হয় ।
ইয়াত আমি আপোনালোকক জনাইছো যে কেনেকৈ আপুনি WhatsApp ত একেলগে একাধিক আপুনি বিচৰা ব্যক্তিলৈ শুভেচ্ছা বাৰ্তা প্ৰেৰণ কৰিব পাৰে । তাৰ মাজতে আমি আপোনালোকক একাধিক যোগাযোগলৈ বাৰ্তা প্ৰেৰণ কৰাৰ এটা সাধাৰণ উপায়ৰ বিষয়ে ক'ম । যদি আপুনি একেলগে একাধিক লোকলৈ বাৰ্তা প্ৰেৰণ কৰিব বিচাৰে তেন্তে হোৱাটছএপত Broadcast ৰ তালিকা তৈয়াৰ কৰিব পাৰে । ইয়াক কেনেকৈ সৃষ্টি কৰিব লাগে জানো আহক:
প্ৰথম পৰ্যায়: আপোনাৰ মোবাইলত WhatsApp app খুলি Settings লৈ যাওক ।
দ্বিতীয় পৰ্যায়: 'Broadcast List' ৰ বিকল্প বাছি লওক আৰু দীপাৱলীৰ শুভেচ্ছা পঠিয়াব বিচৰা যোগাযোগৰ লোকসকলক নিৰ্বাচন কৰি নতুন তালিকা তৈয়াৰ কৰক ।