স্পৰ্টছ ডেস্ক,২৪ জুন :আজি টি-২০ বিশ্বকাপত ছুপাৰ-৮ৰ মেচত বিশ্বৰ দুটা শক্তিশালী দল ভাৰত আৰু অষ্ট্ৰেলিয়া মুখামুখি হ'ব । ৰোহিত শৰ্মা নেতৃত্বাধীন দলটো খেলখনৰ বাবে ছেইণ্ট লুচিয়াত উপস্থিত হৈছে । য'ত ডেৰেন ছেমি নেচনেল ক্ৰিকেট ষ্টেডিয়ামত মিচেল মাৰ্শৰ নেতৃত্বৰ অষ্ট্ৰেলিয়াৰ মুখামুখি হ'ব । ভাৰতীয় দলটো ছেইণ্ট লুচিয়াত উপস্থিত হোৱাৰ এটা ভিডিঅ' বিচিচিআইয়ে অফিচিয়েল এক্সৰ একাউণ্টত শ্বেয়াৰ কৰিছে ।
এই ভিডিঅ'টোৰ আৰম্ভণিতে ভাৰতীয় দলৰ লেগ স্পিনাৰ যুজবেন্দ্ৰ চাহালক বাছখনত দেখা গৈছে । ইয়াৰ পিচত ভিডিঅ'টোত ভাৰতীয় দলৰ অনুৰাগীসকলকো দেখা গৈছে । যিসকলে অতি উৎসাহেৰে দলটোৰ খেলুৱৈসকলৰ বাবে ৰৈ আছে । ভিডিঅ'টোত, ভাৰতীয় দলৰ খেলুৱৈসকলক বাছত বহি থকা দেখা গৈছে । সকলো খেলুৱৈ বিমানবন্দৰত উপস্থিত হয় আৰু বিমানত বহি থকাও দেখা গৈছে ভিডিঅ'টোত ।