স্পৰ্টছ ডেস্ক, ২৮ জুন :চাপাক ষ্টেডিয়ামত অনুষ্ঠিত হৈ আছে ভাৰতৰ মহিলা ক্ৰিকেট দল আৰু দক্ষিণ আফ্ৰিকাৰ মহিলা ক্ৰিকেটৰ মাজত টেষ্ট মেচ ৷ এই টেষ্টত ভাৰতৰ অ’পেনিং বেটছমেন শ্বেফালী বাৰ্মাই সকলোকে আচৰিত কৰি তুলিছে । ২০ বছৰীয়া শ্বেফালি বাৰ্মাই টেষ্ট ক্ৰিকেটত প্ৰথমটো ডাবল শতক (ডাবল চেঞ্চুৰী) অৰ্জন কৰি আফ্ৰিকান বলাৰসকলক তীব্ৰ প্ৰত্যাহ্বান জনায় । এই ঐতিহাসিক দ্বৈত শতিকাৰ সমান্তৰালকৈ তেওঁ নিজৰ নামত অভিলেখ গঢ়িবলৈ সক্ষম হৈছে ।
- মহিলা টেষ্ট ক্ৰিকেটত আটাইতকৈ দ্ৰুততম ডাবল চেঞ্চুৰী
পঞ্চম টেষ্ট মেচ খেলি থকা শ্বেফালী বাৰ্মাই মহিলা টেষ্ট ক্ৰিকেটৰ ইতিহাসত সৰ্বাধিক দ্ৰুততম দ্বৈত শতক অৰ্জন কৰাৰ অভিলেখ গঢ়ি তুলিছে । টেষ্ট কেৰিয়াৰৰ প্ৰথমটো দ্বৈত শতক মাত্ৰ ১৯৪ টা বলত সম্পূৰ্ণ কৰিবলৈ সক্ষম হৈছে শ্বেফালীয়ে । খেলখনত শ্বেফালীয়ে ২৩ টা চাৰি আৰু ৮ টা ছয়ৰ সহায়ত ১৯৭ টা বলত ২০৫ ৰাণ সংগ্ৰহ কৰে । ইয়াৰ পিচত তেওঁ ৰাণআউট হৈ পেভিলিয়নলৈ উভতি আহিবলৈ বাধ্য হয় ।
- ডাবল চেঞ্চুৰী অৰ্জন কৰা দ্বিতীয়গৰাকী ভাৰতীয় মহিলা খেলুৱৈ
দক্ষিণ আফ্ৰিকাৰ বিৰুদ্ধে ২০৫ ৰাণ সংগ্ৰহ কৰা শ্বেফালী বাৰ্মাই মহিলা টেষ্ট ক্ৰিকেটত দ্বৈত শতক অৰ্জন কৰা দ্বিতীয়গৰাকী খেলুৱৈ হিচাপে পৰিগণিত হৈছে । তেওঁৰ পূৰ্বে ভাৰতৰ প্ৰাক্তন অধিনায়ক মিতালী ৰাজে ২২ বছৰ পূৰ্বে ইংলেণ্ডৰ বিৰুদ্ধে দ্বৈত শতক অৰ্জন কৰিছিল ।
- ভাৰতীয় খেলুৱৈৰ দ্বাৰা দ্বিতীয় শ্ৰেষ্ঠ টেষ্ট স্ক’ৰ