স্পৰ্টছ ডেস্ক, 8 জুলাই : ভাৰত আৰু শ্ৰীলংকাৰ মাজত অনুষ্ঠিত হ’বলগীয়া ছিৰিজৰ পূৰ্বে এটা ডাঙৰ খবৰ ওলাইছে ৷ এই শৃংখলাৰ বাবে শ্ৰীলংকাৰ ক্ৰিকেট দলৰ অন্তৱৰ্তীকালীন মুখ্য প্ৰশিক্ষক হিচাপে শ্ৰীলংকাৰ প্ৰাক্তন ক্ৰিকেটাৰ সনথ জয়সূৰ্যক নিযুক্তি দিয়া হৈছে ৷ শ্ৰীলংকা ক্ৰিকেট ব’ৰ্ডে ঘোষণা কৰিছে এই কথা ৷ 27 জুলাইৰ পৰা 7 আগষ্টলৈ ভাৰত আৰু শ্ৰীলংকাৰ মাজত অনুষ্ঠিত হ’বলগীয়া শৃংখলাৰ বাবে জয়সূৰ্যক দলটোৰ অন্তৱৰ্তীকালীন মুখ্য প্ৰশিক্ষক হিচাপে নিযুক্তি দিয়া হৈছে বুলি সংবাদ মাধ্যমত প্ৰকাশ পাইছে ৷ ভাৰতৰ বিৰুদ্ধে 3 খন T-২০ আৰু 3 খন এদিনীয়া শৃংখলাৰ বাবে দলটোৰ অন্তৱৰ্তীকালীন মুখ্য প্ৰশিক্ষক হ’ব প্ৰাক্তন ক্ৰিকেটাৰ জয়সূৰ্য ৷
ভাৰত-শ্ৰীলংকাত ছিৰিজত প্ৰশিক্ষক হ’ব জয়সূৰ্য :
27 জুলাইৰ পৰা 30 জুলাইলৈ ভাৰতে শ্ৰীলংকাৰ বিৰুদ্ধে 3 খনীয়া মেচৰ T-২০ শৃংখলা খেলিব ৷ ইয়াৰ পিচত ধাৰাবাহিকভাৱে 3 খন এদিনীয়া মেচ অনুষ্ঠিত হ’ব ৷ 2 আগষ্টৰ পৰা 7 আগষ্টলৈ অনুষ্ঠিত হ’ব এদিনীয়া শৃংখলা ৷ এই শৃংখলাৰ সময়ত জয়সূৰ্যক শ্ৰীলংকা দলৰ প্ৰশিক্ষক হিচাপে দেখা যাব ৷ ইফালে ভাৰতে খেলিবলগীয়া এদিনীয়া শৃংখলালৈ ৰোহিত শৰ্মা আৰু বিৰাট কোহলীৰ প্ৰত্যাৱৰ্তন ঘটিব পাৰে ৷
লগতে পঢ়ক :বিশ্বকাপ জয়ৰ পিচত ৰাজপথত 'বিৰাটৰথ' - Rath Yatra for Virat Kohli