নতুন দিল্লী : ভাৰতৰ তাৰকা পিষ্টল শ্বুটাৰ মনু ভাকৰে পেৰিছ অলিম্পিকত তেওঁ লাভ কৰা দুটা ব্ৰঞ্জৰ পদক পুনৰ লাভ কৰিব পাৰে । কিয়নো ইতিমধ্যে বহু খেলুৱৈয়ে তেওঁলোকে লাভ কৰা পদকবোৰ নষ্ট হৈ যোৱা বুলি অভিযোগ কৰিছে । সেই তালিকাত তেওঁৰ নামো আছে । শেহতীয়াকৈ সমগ্ৰ বিশ্বৰ বহু খেলুৱৈয়ে তেওঁলোকৰ নষ্ট হোৱা পদকৰ ফটো ছ'চিয়েল মিডিয়াত পোষ্ট কৰিছে ।
পদকৰ ৰং নষ্ট হোৱাৰ কেইবাটাও অভিযোগ পোৱাৰ পিছত আন্তৰ্জাতিক অলিম্পিক সমিতিয়ে কয় যে ক্ষতিগ্ৰস্ত পদকবোৰ প্ৰণালীবদ্ধভাৱে মোনই ডি পেৰিছ (ফ্ৰান্স ষ্টেট মিণ্ট)ৰ দ্বাৰা সলনি কৰা হ'ব আৰু ইয়াক মূল পদকৰ দৰে একে হিচাপে গণ্য কৰা হ'ব ।
The two bronze medals I won at the Paris 2024 Olympics belong to India. Whenever I am invited for any event and asked to show these medals, I do it with pride. This is my way of sharing my beautiful journey.@Paris2024 #Medals #India pic.twitter.com/UKONZlX2x4
— Manu Bhaker🇮🇳 (@realmanubhaker) September 25, 2024
উল্লেখ্য যে প্ৰতিটো অলিম্পিক পদকৰ কেন্দ্ৰত সোমাই থকা লোৰ টুকুৰাবোৰৰ ওজন 18 গ্ৰাম । ফ্ৰান্স ষ্টেট মিণ্ট, যাক মোনই ডি পেৰিছ বুলিও জনা যায়, হৈছে ফ্ৰান্সৰ বাবে মুদ্ৰা আৰু নোট উৎপাদনৰ বাবে দায়বদ্ধ এক ৰাষ্ট্ৰীয় মালিকানাধীন কোম্পানী ।
পেৰিছ অলিম্পিক আয়োজক সমিতিয়ে মোনই ডি পেৰিছৰ সৈতে ঘনিষ্ঠভাৱে কাম কৰি আছে । সেয়েহে আগন্তুক কেইসপ্তাহমানৰ ভিতৰত সকলো ক্ষতিগ্ৰস্ত আৰু নষ্ট হোৱা পদক সলনি কৰাৰ সম্ভাৱনা আছে । উল্লেখ্য যে পেৰিছত অনুষ্ঠিত ২০২৪ চনৰ অলিম্পিক আৰু পেৰালিম্পিক পদকৰ ভিতৰত আছে বিশ্ব প্ৰসিদ্ধ আইফেল টাৱাৰৰ টুকুৰা ।
Manu Bhaker 🤝 🥉 🤝 Sarabjot Singh
— Olympic Khel (@OlympicKhel) July 30, 2024
𝙎𝙝𝙤𝙤𝙩𝙞𝙣𝙜 their way to mixed team 10m air pistol bronze medal at #Paris2024! 🇮🇳🔥 pic.twitter.com/w99fnKTLh8
পেৰিছ অলিম্পিক, 2024-ৰ বাবে মুঠ 5,084 টা সোণ, ৰূপ আৰু ব্ৰঞ্জৰ পদক বিলাসী গহনা আৰু ঘড়ী প্ৰতিষ্ঠান ছাউমেটৰ দ্বাৰা ডিজাইন কৰা হৈছিল । যিটো হৈছে এল ভি এম এইচ গ্ৰুপৰ এটা অংশ আৰু ইয়াক মোনই ডি পেৰিছে নিৰ্মাণ কৰিছিল ।
𝟐𝐧𝐝 medal 𝐟𝐨𝐫 𝐈𝐧𝐝𝐢𝐚, a new 𝐜𝐡𝐚𝐩𝐭𝐞𝐫 𝐢𝐧 𝐡𝐢𝐬𝐭𝐨𝐫𝐲 👉 First athlete to win ✌️ Olympic medals for independent India at the same edition! 🇮🇳
— Olympic Khel (@OlympicKhel) July 30, 2024
Manu Bhaker and Sarabjot Singh clinch the 🥉 in the mixed team 10m air pistol bronze medal match 🔥@issf_official |… pic.twitter.com/aa6DzYzeRq
উল্লেখ্য যে স্বাধীনতাৰ পিছত অলিম্পিকৰ একেটা সংস্কৰণত দুটা পদক জয় কৰা মনু ভাকৰ হৈছে প্ৰথমগৰাকী ভাৰতীয় এথলিট । তেওঁ ব্যক্তিগত 10 মিটাৰ এয়াৰ পিষ্টল ইভেণ্টত ব্ৰঞ্জৰ পদক অৰ্জন কৰি পেৰিছ গেমছত ভাৰতৰ পদক তালিকা মুকলি কৰিছিল । ইয়াৰ ফলত তেওঁ অলিম্পিক পদক জয় কৰা দেশৰ প্ৰথমগৰাকী মহিলা শ্বুটাৰ হিচাপে পৰিগণিত হয় ।
কেৱল সেয়াই নহয়, ২২ বছৰীয়া শ্বুটাৰগৰাকীয়ে সৰৱজ্যোত সিঙৰ সৈতে মিলি ১০ মিটাৰ এয়াৰ পিষ্টল মিক্সড টীম ইভেণ্টতো ব্ৰঞ্জৰ পদক অৰ্জন কৰে আৰু অলিম্পিকত অবিশ্বাস্য কৃতিত্ব অৰ্জন কৰা প্ৰথমটো ভাৰতীয় যুটি হিচাপে পৰিগণিত হয় ।
