স্পৰ্টছ ডেস্ক, ৫ ফেব্ৰুৱাৰী :২০২৬ চনৰ ১৯ জুলাইত আমেৰিকাত অনুষ্ঠিত হ'ব ফিফা বিশ্বকাপ ২০২৬ৰ ফাইনেল । ফিফাই সোমবাৰে এই কথা ঘোষণা কৰে । এই প্ৰতিযোগিতা ২০২৬ চনৰ ১১ জুনত এষ্টাডিঅ এজটেকা মেক্সিকো চিটিত আৰম্ভ হ'ব আৰু আমেৰিকাৰ নিউ জাৰ্চীত ফাইনেল খেলখন অনুষ্ঠিত হ'ব ।
আনহাতে ফিফাই বিবৃতিত উল্লেখ কৰিছে যে কানাডাৰ টৰণ্টো, মেক্সিকো চিটি আৰু আমেৰিকাৰ লছ এঞ্জেলছত সংশ্লিষ্ট ৰাষ্ট্ৰীয় দলৰ ফিফা বিশ্বকাপৰ উদ্বোধনী খেল অনুষ্ঠিত হ'ব । বিশ্ব ফুটবল পৰিচালনা সমিতিয়ে কৈছে যে দল আৰু অনুৰাগীসকলৰ বাবে ভ্ৰমণৰ সুবিধাৰ কথা চিন্তা কৰি খেলৰ সময়সূচী প্ৰস্তুত কৰা হৈছে । যাতে সমগ্ৰ প্ৰতিযোগিতাখনত খেলুৱৈসকলৰ বিশ্ৰাম আৰু পুনৰুদ্ধাৰক প্ৰাথমিকতা দিয়া হয় ।
উদ্বোধনী খেলখন মেক্সিকান ৰাষ্ট্ৰীয় দলটোৱে খেলিব । মেক্সিকোৰ দৰে, কানাডা আৰু আমেৰিকাৰ ৰাষ্ট্ৰীয় দলেও গৃহ ভূমিত তেওঁলোকৰ তিনিখন গ্ৰুপ পৰ্যায়ৰ খেল খেলিব । ২০২৬ চনৰ ১২ জুনত কানাডাই টৰণ্টোত তেওঁলোকৰ বিশ্বকাপ অভিযান আৰম্ভ কৰিব, আনহাতে আমেৰিকাই লছ এঞ্জেলছত একেদিনাই তেওঁলোকৰ অভিযান আৰম্ভ কৰিব । ফিফাৰ মুৰব্বী গিয়ান্নি ইনফান্তিনোৱে কয় যে কানাডা, মেক্সিকো আৰু আমেৰিকাৰ ১৬ খন অত্যাধুনিক ষ্টেডিয়ামত ১০৪ খন খেল অনুষ্ঠিত হ'ব ।