স্পৰ্টছ ডেস্ক, ২৩ জানুৱাৰী :ক্ৰমান্বয়ে স্বপ্ৰতিভাৰে উজলি উঠিছে অসমৰ প্ৰতিভাৱান ক্ৰিকেটাৰ ৰিয়ান পৰাগ । ২০২৩ বৰ্ষত ৰিয়ান পৰাগে ঘৰুৱা ক্ৰিকেটত উপহাৰ দিছে কেইবাটাও গুৰুত্বপূৰ্ণ ইনিংছ । আনহাতে, ২০২২ বৰ্ষতো মিশ্ৰিত ফলাফল আগবঢ়াইছে ৰিয়ান পৰাগে । তাৰেই ফলশ্ৰুতিত বিচিচিআইৰ বাৰ্ষিক বঁটাৰ তালিকাত স্থান লাভ কৰিবলৈ সক্ষম হৈছে ৰিয়ান পৰাগে ।
শেহতীয়াভাৱে বেটে-বলে উজলি উঠা ৰিয়ান পৰাগক বিচিচিআয়ে ২০২২-২৩ বৰ্ষৰ বাবে সীমিত অভাৰৰ ঘৰুৱা ক্ৰিকেটৰ শ্ৰেষ্ঠ অলৰাউণ্ডাৰৰ বাবে লালা অমৰনাথ বঁটা প্ৰদান কৰা হৈছে । উল্লেখ্য যে শেহতীয়াকৈ অনুষ্ঠিত চৈয়দ মোস্তাক আলী টি-২০ ট্ৰফীত উজ্জীৱিত প্ৰদৰ্শন দাঙি ধৰিছিল অসমৰ এইগৰাকী প্ৰতিশ্ৰুতিসম্পন্ন অলৰাউণ্ডাৰ । এই মোস্তাক আলী ট্ৰফীতে একেৰাহে টি-২০ ফৰ্মেটত সৰ্বাধিক অৰ্ধশতক অৰ্জনৰ বিশ্ব অভিলেখ গঢ়ে ৰিয়ানে । আনহাতে, চলিত ছিজনৰ ৰঞ্জী ট্ৰফীতো উজ্জীৱিত প্ৰদৰ্শন অব্যাহত আছে ৰিয়ান পৰাগৰ । চলিত ৰঞ্জী ট্ৰফীতে ৰিয়ান পৰাগে দ্বিতীয় দ্ৰুত শতক অৰ্জনৰ অভিলেখ গঢ়ে ।