বিহালী সমষ্টি- 73.70%
চিদলী সমষ্টি- 71.50%
চামগুৰি- 78.10%
বঙাইগাঁও-69.08%
ধলাই- 72.40%
উপ-নিৰ্বাচন ২০২৪: অসমৰ পাঁচটা সমষ্টিৰ ভোটগ্ৰহণৰ প্ৰতি মুহূৰ্তৰ খবৰ
Assam Bye election 2024 (ETV Bharat)
Published : Nov 13, 2024, 7:31 AM IST
আজি অসমৰ পাঁচটা বিধানসভা সমষ্টিত অনুষ্ঠিত হৈছে উপ-নিৰ্বাচন ৷ পুৱা ৭ বজাৰ পৰা ভোটগ্ৰহণ আৰম্ভ হৈছে সমষ্টি কেইটাৰ বিভিন্ন ভোটকেন্দ্ৰত ৷ ভোটগ্ৰহণ বিয়লি ৫ বজালৈকে চলিব ৷ উপ-নিৰ্বাচন অনুষ্ঠিত হোৱা সমষ্টি কেইটা হৈছে- ১১ নং ধলাই (এছ চি), ৩১ নং চিদলী(এছ টি), ৩২ নং বঙাইগাঁও, ৭৭ নং বিহালী আৰু ৮৮ নং চামগুৰি সমষ্টি ।
LIVE FEED
বিয়লি 5 বজালৈকে পাঁচ সমষ্টিত ভোটদানৰ হাৰ
বিয়লি 3 বজালৈকে পাঁচ সমষ্টিত ভোটদানৰ হাৰ
বিহালী সমষ্টি- 64.34%
চিদলী সমষ্টি- 64.22%
চামগুৰি- 66.33%
বঙাইগাঁও- 66.94%
ধলাই- 60.01%
দুপৰীয়া 1 বজালৈকে পাঁচ সমষ্টিত ভোটদানৰ হাৰ
বিহালী সমষ্টি- 55.60%
চিদলী সমষ্টি- 49.82%
চামগুৰি- 51.20%
বঙাইগাঁও- 50.32%
ধলাই- 44.05%
ধলাইত বিজেপি প্ৰাৰ্থীৰ প্ৰতীক সম্বলিত টোকেন বিতৰণৰ অভিযোগ
ধলাই সমষ্টিৰ পালোংহাট এম ভি স্কুলত ভোটাৰক বিজেপি প্ৰাৰ্থীৰ প্ৰতীক চিহ্নৰ টোকেন বিতৰণ কৰাৰ অভিযোগ নিৰ্দলীয় প্ৰাৰ্থী অমলেন্দু দাসৰ । এই বিষয়ে তেওঁ প্ৰিজাইডিং অফিচাৰৰ ওচৰত অভিযোগ দাখিল কৰা বুলি জানিবলৈ দিছে ।
দিনৰ 11 বজালৈকে পাঁচটা সমষ্টিত ভোটদানৰ হাৰ
চিদলী সমষ্টি- 32.20%
চামগুৰি সমষ্টি- 31.65%
বঙাইগাঁও সমষ্টি-32.90%
ধলাই সমষ্টি- 24.65%
বিহালী সমষ্টি- 30.40%
পিতৃ-মাতৃৰ সৈতে ভোট দিলে তানজিল হুছেইনে
চামগুৰি সমষ্টিৰ লৰিৰমুখৰ কড়ৈগুৰি মজলীয়া বিদ্যালয় ভোটকেন্দ্ৰত ভোটদান তানজিল হুছেইনৰ লগতে সাংসদ পিতৃ ৰকিবুল হুছেইন আৰু মাতৃ নাজৰিন হুছেইনৰ । নিশা বাসগৃহত দুৰ্বৃত্তই আক্ৰমণ কৰাৰ অভিযোগ তুলিছে ৰকিবুল হুছেইনে ৷ মুখ্যমন্ত্ৰীলৈ অভিযোগ প্ৰেৰণ সাংসদগৰাকীৰ ৷
ভোটাধিকাৰ সাব্যস্ত কৰি শৈলেন্দ্ৰ সৰকাৰক শুভকামনা ফণীভূষণ চৌধুৰীৰ
ৰাজ্যৰ পাঁচ সমষ্টিত ইতিমধ্যে আৰম্ভ হৈছে ভোট গ্ৰহণ । বঙাইগাঁৱৰ মুঠ ২৪৬ টা ভোটকেন্দ্ৰত অব্যাহত আছে ভোটগ্ৰহণ । বঙাইগাঁও চহৰৰ বৰপাৰাৰ বীৰঝৰা ছোৱালী HS স্কুলত ভোটাধিকাৰ সাব্যস্ত কৰিলে বৰপেটা লোকসভা সমষ্টিৰ সাংসদ ফণীভূষণ চৌধুৰী আৰু অগপ দলৰ প্ৰাক্তন জিলা সাধাৰণ সম্পাদক শৈলেন্দ্ৰ সৰকাৰে । শৈলেন্দ্ৰ সৰকাৰক শুভকামনা জনায় বৰপেটা লোকসভা সমষ্টিৰ সাংসদ ফণীভূষণ চৌধুৰীয়ে । এইবাৰ বঙাইগাঁৱৰ উপ-নিৰ্বাচনত হ’ব ত্ৰিকোণীয়া যুঁজ ৷ অগপ প্ৰাৰ্থী দীপ্তিময়ী চৌধুৰী, কংগ্ৰেছৰ প্ৰাৰ্থী ব্ৰজেনজিৎ সিংহ আৰু নিৰ্দলীয় প্ৰাৰ্থী শৈলেন্দ্ৰ সৰকাৰৰ মাজত মূল যুঁজ হোৱাৰ সম্ভাৱনা ।
পুৱা 9 বজালৈকে পাঁচটা সমষ্টিত ভোটদানৰ হাৰ
বঙাইগাঁও- 15.34%
ধলাই- 9.15%
বিহালী- 11%
চিদলী- 12.51%
চামগুৰি- 14.7%
বিহালীত ১১ শতাংশ ভোটদান
উপ-নিৰ্বাচন অনুষ্ঠিত হোৱা ৭৭ নং বিহালী সমষ্টিত পুৱা ৯ বজালৈকে ১১ শতাংশ ভোটদান হোৱা বুলি জানিব পৰা গৈছে ৷ ইতিমধ্যে ভোটাধিকাৰ সাব্যস্ত কৰিলে সাংসদ ৰঞ্জিত দত্তই ৷
পৰিমল শুক্লবৈদ্যৰ ভোটদান
ভোটাধিকাৰ সাব্যস্ত কৰিলে শিলচৰ সমষ্টিৰ সাংসদ পৰিমল শুক্লবৈদ্যই ৷ ১১৮ নং আইৰংমাৰা এলপি স্কুলত স্থাপিত ভোটকেন্দ্ৰত ভোটাধিকাৰ সাব্যস্ত কৰে কৰিলে বিজেপিৰ সাংসদগৰাকীয়ে ৷
চামগুৰিত ভোটকেন্দ্ৰত উত্তেজনা
ভোটগ্ৰহণৰ আৰম্ভণিতেই চামগুৰিৰ শ'লমাৰীত উত্তপ্ত পৰিস্থিতি ৷ ভোটগ্ৰহণ কেন্দ্ৰত সোমাই একাংশই উদ্ভণ্ডালি কৰাৰ অভিযোগ ৷ কংগেছ কৰ্মী আৰু বিজেপি কৰ্মীৰ মাজত মাৰপিটৰ ঘটনা ৷ চামগুৰিৰ শ'লমাৰীৰ ৮৯ আৰু ৯০ নং ভোটকেন্দ্ৰত সংঘটিত হয় ঘটনাটো । ঘটনা সংঘটিত হোৱাৰ পাছতে আৰক্ষীয়ে কটকটীয়া নিৰাপত্তাৰ ব্যৱস্থা কৰিছে ৷ পুৱা ৯ বজালৈকে চামগুৰিত ১৪.৭ শতাংশ ভোটদান ৷
বিহালীৰ ১৫৪ টা ভোটকেন্দ্ৰত ভোটগ্ৰহণ আৰম্ভ
৭৭ নং বিহালী বিধানসভা সমষ্টিৰ উপ-নিৰ্বাচনৰ বাবে ১৫৪ টা ভোটকেন্দ্ৰত পুৱা ৭ বজাৰ পৰা আৰম্ভ হৈছে ভোটগ্ৰহণ । বিয়লি ৫ বজালৈ ভোটগ্ৰহণ হ’বলগীয়া ৭৭ নং বিহালী বিধানসভা সমষ্টিৰ মুঠ ১,৩২,৫৭৯ গৰাকী ভোটদাতাই মুঠ ৪ গৰাকী প্ৰতিদ্বন্দ্বী প্ৰাৰ্থীৰ ভাগ্য নিৰ্ণয় কৰিব । পুৱাৰ ভাগত ভোটাৰৰ সংখ্যা কিছু সেৰেঙা দেখা গৈছে যদিও পৰৱৰ্তী সময়ত এই স্থিতি সলনি হ’ব বুলি আশা কৰা হৈছে ।
ভোটদান কৰিলে ধলাইৰ কংগ্ৰেছ প্ৰাৰ্থী ধ্ৰুৱজ্যোতি পুৰকায়স্থই
ভোটাধিকাৰ সাব্যস্ত কৰিলে ধলাইৰ কংগ্ৰেছ প্ৰাৰ্থী ধ্ৰুৱজ্যোতি পুৰকায়স্থই ৷ ধলাই বাম প্ৰেমানন্দ এম.ই স্কুলৰ ভোটকেন্দ্ৰত নিজৰ ভোটাধিকাৰ সাব্যস্ত ধ্ৰুৱজ্যোতি পুৰকায়স্থৰ ৷ সংবাদ মাধ্যমৰ আগত প্ৰাৰ্থীগৰাকীয়ে আশাবাদী বুলি মত ব্যক্ত কৰাৰ লগতে শান্তিপূৰ্ণভাৱে ভোটদানৰ বাবে ৰাইজক আহ্বান জনায় ৷
উপ-নিৰ্বাচনত প্ৰতিদ্বন্দ্বিতা কৰা মূল প্ৰাৰ্থীসকল
এই উপ-নিৰ্বাচনত মুঠ ৯,০৯,০৫৭ গৰাকী ভোটাৰে ভাগ্য নিৰ্ণয় কৰিব পাঁচটা সমষ্টিৰ ৩৪ গৰাকী প্ৰাৰ্থীৰ । পাঁচটা সমষ্টিৰ মূল প্ৰাৰ্থীসকল হ’ল-
বঙাইগাঁও সমষ্টি-
- দীপ্তিময়ী চৌধুৰী, অগপ (NDA)
- ব্ৰজেনজিৎ সিংহ, কংগ্ৰেছ
চামগুৰি সমষ্টি-
- দিপ্লু ৰঞ্জন শৰ্মা, বিজেপি (NDA)
- তানজিল হুছেইন, কংগ্ৰেছ
ধলাই সমষ্টি-
- নীহাৰ ৰঞ্জন দাস, বিজেপি (NDA)
- ধ্ৰুৱজ্যোতি পুৰকায়স্থ, কংগ্ৰেছ
বিহালী সমষ্টি-
- বিজেপিৰ প্ৰাৰ্থী দিগন্ত ঘাটোৱাল (NDA)
- কংগ্ৰেছৰ প্ৰাৰ্থী জয়ন্ত বৰা
চিদলী সমষ্টি-
- ইউ পি পি এলৰ প্ৰাৰ্থী নিৰ্মল কুমাৰ ব্ৰহ্ম (NDA)
- বি পি এফৰ প্ৰাৰ্থী শুদ্ধ কুমাৰ বসুমতাৰী
- কংগ্ৰেছৰ প্ৰাৰ্থী সঞ্জীৱ ৱাৰী
পাঁচটা সমষ্টিৰ মুঠ ভোটাৰ আৰু ভোটকেন্দ্ৰৰ সংখ্য়া
উপ-নিৰ্বাচন অনুষ্ঠিত হোৱা পাঁচটা সমষ্টিৰ মুঠ ভোটাৰৰ সংখ্যা হৈছে ৯,০৯,০৫৭ গৰাকী । ইয়াৰে ধলাই (এচ চি) সমষ্টিত ১,৯৬,৭৭২ গৰাকী, চিদলী (এছ টি)ত ২,১৭,১৮৩ গৰাকী, বঙাইগাঁও সমষ্টিত ১,৮২,৩৫৪ গৰাকী, বিহালীত ১,৩২,৩০০ গৰাকী আৰু চামগুৰি সমষ্টিত ১,৮০,৪৪৮ গৰাকী ভোটাৰ আছে । সমষ্টি কেইটাত মুঠ ভোটকেন্দ্ৰৰ সংখ্যা হৈছে ১০৭৮ টা ৷ তাৰ ভিতৰত ধলাইত ২০৮ টা, চিদলীত ২৭৩ টা, বঙাইগাঁৱত ২৪৬ টা, বিহালীত ১৫৪ টা, চামগুৰিত ১৯৭ টা ভোটকেন্দ্ৰ আছে ।