শাৰদীয় নৱৰাত্ৰিৰ দ্বিতীয়টো দিনত মা ব্ৰহ্মচাৰিণীৰ আৰাধনা কৰা হয় । মাতৃ ব্ৰহ্মচাৰিণী হৈছে ধ্যান, জ্ঞান আৰু ত্যাগৰ অধ্যক্ষ দেৱতা । আজিৰ দিনটোত ব্ৰহ্মচাৰিণী দেৱীক পূৰ্ণ ৰীতি-নীতিৰে পূজা কৰি পৰিয়ালত সুখ আৰু সমৃদ্ধি অটুত থাকে । মা ব্ৰহ্মচাৰিণী ভগৱান ব্ৰহ্মৰ কমণ্ডলৰ পৰা উৎপত্তি হোৱা বুলি বিশ্বাস কৰা হয়, সেইবাবেই তেওঁৰ নাম ব্ৰহ্মচাৰিণী ৰখা হৈছিল । আহক নৱৰাত্ৰিৰ দ্বিতীয়টো দিনত দেৱী ব্ৰহ্মচাৰিণী পূজা বিধিৰ বিষয়ে বিতংভাৱে জানি লও-
মা ব্ৰহ্মচাৰিণীৰ প্ৰিয় ৰং - বগা
মা ব্ৰহ্মচাৰিণীৰ প্ৰিয় ফুল- বগা ফুল
মা ব্ৰহ্মচাৰীৰ প্ৰিয় ভোগ- ফল-মূল, বগা মিঠাই, মিশ্ৰী, পায়স ।
শাৰদীয় নৱৰাত্ৰিৰ দ্বিতীয়টো দিনত মা ব্ৰহ্মচাৰিণীৰ পূজা কৰা হয় । বিধি-বিধান অনুসৰি দেৱীক পূজা কৰিলে জ্ঞান আৰু ধ্যানৰ সমান্তৰালকৈ বৈৰাজ্ঞৰ প্ৰাপ্তি হয় বুলি কোৱা হয় । মা ব্ৰহ্মচাৰিণীয়ে সৰল স্বভাৱৰ আৰু দুষ্টক পথ প্ৰদৰ্শন কৰে । ধূপ, কৰ্পূৰ, লং, শুকান ফল, মিশ্ৰী-মিঠাই আৰু দেশী ঘিউ আগবঢ়াই হোম যজ্ঞৰে মা ব্ৰহ্মচাৰিণীক পূজা কৰা হয় ।
মাতৃ ব্ৰহ্মচাৰিণী পূজা পদ্ধতি
পুৱা সোনকালে উঠি গা ধুই মন্দিৰটো ভালদৰে চাফা কৰক । দেৱী দুৰ্গাক গংগা জলেৰে অভিষেক কৰক । দেৱীক অক্ষত, ৰঙা চন্দন, ৰঙা কাপোৰ আৰু ৰঙা ফুল আগবঢ়াওক । সকলো দেৱ-দেৱীৰ জলাভিষেক কৰি ফল, ফুল আৰু তিলক দিয়ক । ইয়াৰ পিচত প্ৰসাদ হিচাপে ফল-মূল আৰু মিঠাই আগবঢ়াওক । গৃহ মন্দিৰত ধূপ কাঠ আৰু ঘিউৰ চাকি জ্বলাওক । দুৰ্গা সপ্তশতী আৰু দুৰ্গা চালিছা পাঠ কৰক । পাণৰ পাতত কৰ্পূৰ আৰু লং ৰাখি মা ব্ৰহ্মচাৰিণীৰ আৰতি কৰক ৷ শেষত ক্ষমা-প্ৰাৰ্থনা কৰক । ধৰ্মীয় বিশ্বাস অনুযায়ী ভাগৱতী ব্ৰহ্মচাৰিণী পূজা কৰিও মহাদেৱক সন্তুষ্ট কৰিব পাৰি ।