খিলাড়ী বুলি ক’লেই আমাৰ মনত ভাহি উঠে অত্যন্ত পৰিশ্ৰমী, সময়ৰ প্ৰতি সদা সচেতন, ফিটনেছৰ প্ৰতি গুৰুত্ব দিয়া অক্ষয় কুমাৰৰ পৰিচয় ৷ বলীউডৰ তাৰকা-মহাতাৰকাসকলৰ ভিতৰত ফিটনেছৰ প্ৰসংগ আহিলে স্বাভাৱিকতেই প্ৰথমেই উচ্চাৰিত হয় অক্ষয়ৰ নাম ৷ হিন্দী ছবি জগতৰ প্ৰতিগৰাকী ব্যক্তিয়েই স্বীকাৰ কৰে অক্ষয় কুমাৰৰ স্বাস্থ্য সচেতনতাক ৷ পিছে বয়স হিচাপে তিনিকুৰি স্পৰ্শ কৰিবলৈ আগবঢ়া অথচ এতিয়াও তৰুণ হৈ থকা অক্ষয় কুমাৰৰ এই ফিটনেছৰ আঁৰৰ ৰহস্য জানেনে ? নিজকে ফিট কৰি ৰাখিবলৈ তেওঁ যথেষ্ট কষ্ট কৰে ৷
অক্ষয় কুমাৰে নিজৰ ছ’চিয়েল মিডিয়া একাউণ্টত তেওঁৰ ফিটনেছ সম্পৰ্কীয় ছবি আৰু ভিডিঅ’ শ্বেয়াৰ কৰি থাকে ৷ তেওঁৰ দৈনিক জীৱনৰ ৰুটিন সন্দৰ্ভতো যথেষ্ট চৰ্চা হোৱা দেখা যায় ৷ শেহতীয়াকৈ তেওঁ ফিটনেছৰ বিষয়ে এক টুইট কৰিছে ৷ মেদবহুলতা সন্দৰ্ভত প্ৰধানমন্ত্ৰী মোদীয়ে দিয়া ভাষণৰ ভিডিঅ’ অক্ষয় কুমাৰে তেওঁৰ ছ’চিয়েল মিডিয়া হেণ্ডেল এক্সত শ্বেয়াৰ কৰিছে ৷
How true!! I’ve been saying this for years now…love it that the PM himself has put it so aptly. Health hai toh sab kuchh hai. Obesity se fight karne ke sabse bade hathiyaar
— Akshay Kumar (@akshaykumar) January 30, 2025
1. Enough sleep
2. Fresh air and Sunlight
3. No processed food, less oil. Trust the good old desi ghee… pic.twitter.com/CxnYjb4AHv
তেওঁ কয় যে, মেদবহুলতাৰ বিৰুদ্ধে যুঁজিবলৈ উপযুক্ত টোপনি, প্ৰদূষণমুক্ত বায়ু আৰু সূৰ্যৰ পোহৰ, প্ৰচেছড খাদ্য ত্যাগ, কম তেল আৰু দেশী ঘিঁউৰে তৈয়াৰী খাদ্যৰ প্ৰয়োজন ৷ অক্ষয়ে লগতে সঠিকভাৱে যিকোনো ধৰণৰ ৱৰ্কআউট কৰাৰ পৰামৰ্শ দিয়ে ৷ ‘নিয়মীয়া ব্যায়ামে আপোনাৰ জীৱন সলনি কৰিব’ বুলিও অক্ষয় কুমাৰে লগতে উল্লেখ কৰক ৷ অক্ষয় কুমাৰে শ্বেয়াৰ কৰা ভিডিঅ’টোত প্ৰধানমন্ত্ৰী মোদীয়ে মেদবহুলতাৰ ক্ৰমবৰ্ধমান ভাবুকি সন্দৰ্ভত উদ্বেগ প্ৰকাশ কৰিছে ৷
লগতে প্ৰধানমন্ত্ৰী মোদীয়ে ব্যায়াম আৰু স্বাস্থ্যসন্মত খাদ্যাভ্যাসৰ ওপৰত গুৰুত্ব দিবলৈও পৰামৰ্শ দিছে ৷ তেওঁ কয়, ”প্ৰতিদিনে কিছু সময় উলিয়াই ব্যায়াম কৰক ৷ লগতে খাদ্যত থকা অস্বাস্থ্যকৰ চৰ্বি আৰু তেল হ্ৰাস কৰক ৷ সুষম খাদ্য গ্ৰহণ কৰক ৷ সুস্থ শৰীৰেহে সুস্থ মন আৰু সুস্থ জাতিৰ সৃষ্টি কৰিব পাৰে ৷” উল্লেখ্য যে এক সাক্ষাৎকাৰৰ সময়ত অক্ষয় কুমাৰে নিজকে সুস্থ কৰি ৰাখিবলৈ দৈনিক প্ৰায় আধা ঘণ্টা ধ্যান কৰে বুলি উল্লেখ কৰিছিল ৷
শৰীৰত পানীৰ অভাৱ যাতে নহয় তাৰ বাবে দিনটোত ৪ৰ পৰা ৫ লিটাৰ পানী খাব লাগে ৷ লগতে অভিনেতাগৰাকীয়ে ফিট হৈ থাকিবলৈ তেওঁ প্ৰ’টিন শ্বেক খোৱাৰ পৰিৱৰ্তে স্বাস্থ্যসন্মত আৰু সুষম খাদ্য গ্ৰহণ কৰে বুলি জানিবলৈ দিছিল ৷ ইয়াৰ উপৰিও খাদ্য খোৱাৰ সময়টোও অতি গুৰুত্বপূৰ্ণ বুলি আঙুলিয়াই দি অক্ষয় কুমাৰে নিশা শোৱাৰ প্ৰায় ৪ ঘণ্টা পূৰ্বে আহাৰ গ্ৰহণ কৰে বুলি কয় ৷ ইয়াৰ লগতে তেওঁ দৈনিক ব্যায়াম কৰে ৷ জিমত ৱৰ্কআউট কৰাৰ ভিডিঅ’ তেওঁ নিজৰ ছ’চিয়েল মিডিয়াত প্ৰায়েই শ্বেয়াৰ কৰি থাকে ৷
সুস্থ আৰু ফিট হৈ থাকিবলৈ দৈনিক খোজকঢ়া, দৌৰা বা যিকোনো ধৰণৰ ৱৰ্কআউট কৰাটো অতি প্ৰয়োজনীয় ৷ ইয়াৰ লগতে সুষম খাদ্য গ্ৰহণ কৰিব লাগে ৷ ইয়াত প্ৰ’টিন, কাৰ্বহাইড্ৰেট, চৰ্বি, প্ৰয়োজনীয় ভিটামিন, খনিজ পদাৰ্থ আৰু পানী সুষম পৰিমাণে থাকিব লাগে ৷ এনে সুষম খাদ্যৰ দ্বাৰা শৰীৰে সঠিকভাৱে কাম কৰিবলৈ শক্তি লাভ কৰে ৷
(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)
উৎস:-https://www.nih.gov/news-events/nih-research-matters/healthy-habits-can-lengthen-life
লগতে পঢ়ক
