কেনেকৈ ৮২ বছৰ বয়সতো নিজকে সুস্থ ৰাখিছে বিগ বিয়ে ?

বলীউডৰ অন্যতম এগৰাকী জনপ্ৰিয় তথা জ্যেষ্ঠ অভিনেতা অমিতাভ অমিতাভ বচ্চনে কিদৰে নিজকে আজিও ইমান ফিট ৰাখিছে আজি ইয়াৰ ৰহস্য জানি লও আহক-

বলীউডৰ কিংবদন্তী অভিনেতা অমিতাভ বচ্চনক দেখি হয়তো আপুনি বিশ্বাস নকৰিব যে তেওঁ ইতিমধ্য ৮২ বছৰীয়া হৈছে ৷ এই মহান ভাৰতীয় অভিনেতাজনৰ দীৰ্ঘজীৱন, জীৱনশৈলী তথা ফিটনেছ বহুতৰ বাবে অনুপ্ৰেৰণা হৈ আহিছে ৷ জীৱনত কেইবাটাও গুৰুতৰ স্বাস্থ্য সমস্যাৰ সন্মুখীন হোৱা স্বত্বেও অমিতাভ বচ্চনে কেতিয়াও হাৰ মানিবলগীয়া হোৱা নাই ৷ তেওঁ নিজৰ স্বাস্থ্য আৰু সুস্থতা বজাই ৰাখিবলৈ কিছুমান অভ্যাস অনুসৰণ কৰে ৷ আপুনিও যদি অমিতাভ বচ্চনৰ দৰে বৃদ্ধ বয়সলৈকে সুস্থ-সবল হৈ থাকিবলৈ বিচাৰে, তেন্তে আপুনিও তেওঁৰ ফিটনেছৰ ৰহস্য জানি লৈ সেয়া অনুসৰণ কৰিব পাৰে ৷ সেইসমূহ হৈছে-

নিয়মীয়া ব্যায়াম

অমিতাভ বচ্চনে নিয়মীয়াকৈ ব্যায়াম কৰে ৷ তেওঁৰ ফিটনেছ ৰুটিনত কাৰ্ডিঅ' ব্যায়াম অন্তৰ্ভুক্ত আছে ৷জিমত কেতিয়াও তেওঁ গধুৰ ব্যায়াম নকৰে, কিন্তু নিয়মীয়া খোজ কঢ়া আৰু পাতল শাৰীৰিক কাৰ্যকলাপৰ সৈতে নিজকে সক্ৰিয় কৰি ৰাখে ৷প্ৰতিদিনে ৰাতিপুৱা খোজ কঢ়াটো তেওঁৰ বাবে গুৰুত্বপূৰ্ণ, যিয়ে গোটেই দিনটো শাৰীৰিক শক্তি বজাই ৰখাত তেওঁক সহায় কৰে ৷

সন্তুলিত আহাৰ

অমিতাভ বচ্চন নিৰামিষভোজী ৷ তেওঁ স্বাস্থ্যকৰ আৰু সন্তুলিত আহাৰৰ প্ৰতি বিশেষ মনোযোগ দিয়ে ৷ তেওঁৰ আহাৰ পুষ্টিকৰ, যাৰ ভিতৰত আছে সতেজ ফল, পাচলি, আৰু পাতল আহাৰ ৷ তেওঁ ফাষ্ট ফুড, জাংক ফুড আৰু ভজা সামগ্ৰীৰ পৰা আঁতৰত থাকে ৷তদুপৰি, তেওঁ সদায় সময়মতে আহাৰ গ্ৰহণ কৰে ৷

পানীৰ গুৰুত্ব

বিগ বিয়ে গোটেই দিনটো পৰ্যাপ্ত পৰিমাণৰ পানী খায় ৷ শৰীৰটো হাইড্ৰেটেড ৰখাটো তেওঁৰ ফিটনেছ ৰুটিনৰ এটা গুৰুত্বপূৰ্ণ অংশ ৷ পানীয়ে শৰীৰটো পৰিস্কাৰ কৰি ৰখাৰ লগতে শক্তি বজাই ৰখাত সহায় কৰে ৷

অনুশাসন-নিয়মীয়তা

তেওঁৰ ফিটনেছৰ মূখ্য দিশটো হৈছে তেওঁৰ অনুশাসন ৷ তেওঁ সোনকালে শুই ৰাতিপুৱা সোনকালে উঠে ৷ নিয়মীয়াতা তেওঁৰ জীৱনৰ এক অংশ, যি তেওঁৰ স্বাস্থ্য বজাই ৰখাত সহায় কৰে ৷ তেওঁ পৰ্যাপ্ত টোপনি যোৱাত অগ্ৰাধিকাৰ দিয়ে ৷ টোপনি পূৰণ কৰিলে শৰীৰে বিশ্ৰাম পায় আৰু গোটেই দিনটোৰ ভাগৰ হ্ৰাস কৰে ৷ইয়াৰ ফলত তেওঁ সতেজতাৰে তেওঁৰ কাম সম্পূৰ্ণ কৰিব পাৰে ৷

মনোযোগ-মানসিক শান্তি

মনোযোগ আৰু ধ্যানও তেওঁৰ দৈনন্দিন ৰুটিনৰ এটা অংশ ৷ তেওঁ সদায় মানসিক স্বাস্থ্যৰ প্ৰতি মনোযোগ দিয়ে, যিয়ে মানসিক ভাৰসাম্য বজাই ৰখাত সহায় কৰে আৰু চাপমুক্ত ৰাখে ৷ এই মানসিক মনোযোগে তেওঁলোকক জীৱনত শান্তি আৰু প্ৰশান্তি বিচাৰি উলিওৱাত সহায় কৰে, যি তেওঁলোকৰ সুস্থতাৰ এক গুৰুত্বপূৰ্ণ দিশ ৷

আসক্তিৰ পৰা দূৰত্ব

অমিতাভ বচ্চনে সদায় নিজকে সুৰা আৰু ধূমপানৰ পৰা আঁতৰাই ৰাখে ৷যিকোনো আসক্তিয়ে শৰীৰত নেতিবাচক প্ৰভাৱ পেলায় ৷ অমিতাভ বচ্চনৰ ফিটনেছৰ ৰহস্য হৈছে তেওঁৰ অনুশাসন, স্বাস্থ্যকৰ আহাৰ, নিয়মীয়া ব্যায়াম আৰু ইতিবাচক জীৱনশৈলী ৷

মিঠাইৰ পৰা দূৰত্ব

অমিতাভ বচ্চন মিঠাইৰ পৰা আঁতৰি থাকে ৷এই সামগ্ৰীবোৰত উচ্চ পৰিমাণৰ সংপৃক্ত চৰ্বি আৰু কেলৰি থাকে যি স্বাস্থ্যৰ ক্ষতি কৰিব পাৰে ৷ তদুৰি, তেওঁ চাহ বা কফিৰ পৰাও দূৰত্ব বজাই ৰাখে ৷

লগতে পঢ়ক:আয়ুষ্মান খুৰানাৰ পত্নী তাহিৰা কাশ্যপে দৈনিক গ্ৰহণ কৰা এইবিধ চাহৰ আছে অনেক উপকাৰিতা