হায়দৰাবাদ : কন্যা দুৱাৰ সৈতে দীপিকা পাডুকন আৰু ৰণবীৰ সিঙে প্ৰথমটো বৰদিন উদযাপন কৰিলে । ইফালে, কেটৰিণা কাইফ আৰু বিকী কৌশলে পৰিয়ালৰ সৈতে বছৰৰ অন্তিমটো উৎসৱ উদযাপন কৰিছে । ইয়াৰ বাহিৰেও কিয়াৰা-সিদ্ধাৰ্থ, আলিয়া ভাট, বৰুণ ধৱনকে ধৰি বহু বি-টাউন চেলেব্ৰিটীয়ে বৰদিন উদযাপনৰ ফটো শ্বেয়াৰ কৰিছে । সমান্তৰালকৈ আৰ আৰ আৰৰ ছুপাৰষ্টাৰ ৰাম চৰণ, দক্ষিণ চলচ্চিত্ৰ জগতৰ জনপ্ৰিয় অভিনেত্ৰী নয়নতৰাৰ দৰে তাৰকায়ো অনুৰাগীক বৰদিন উদযাপনৰ আভাস দিছে ৷
দীপিকা পাডুকন
বলীউডৰ অভিনেত্ৰী দীপিকা পাডুকনে তেওঁৰ ইনষ্টাগ্ৰামত খ্ৰীষ্টমাছ ট্ৰীৰ এখন ফটো শ্বেয়াৰ কৰিছে, য’ত বাল্ব কাষ্টমাইজ কৰা হৈছে । এই বাল্ববোৰত তেওঁৰ স্বামী ৰণবীৰ সিং আৰু কেঁচুৱা দুৱাৰ নাম লিখা আছে । পোষ্টটোৰ শিৰোনামত তেওঁ লিখে, “মোৰ হৃদয় ভৰি পৰিছে । ধন্যবাদ ৰণবীৰ ।”
বিকী কৌশল-কেটৰিণা কাইফ
কেটৰিণা কাইফৰ সৈতে এখন ৰোমান্টিক ছবি শ্বেয়াৰ কৰি সকলোকে বৰদিনৰ শুভেচ্ছা জনাইছে বিকী কৌশলে । দুয়োজনে বৰদিন থিমৰ ড্ৰেছ পিন্ধা দেখা গৈছে । একে সময়তে কেটৰিণাইও সকলো অনুৰাগীক উদযাপনৰ আভাস দেখুৱাইছে ।
এখন ফটোত দেখা গৈছে যে এই প্ৰিয় যুটিয়ে কিতাপ এখন লৈ ব্লাইণ্ড ডেটত গৈছে । আন এখন ফটোত দম্পতীটোৱে ছাণ্টাৰ সৈতে প'জ দিয়া দেখা গৈছে । কৰীণা কাপুৰ, শ্বেতা বচ্চন, অৰ্জুন কাপুৰে কেটৰিণাৰ পোষ্টত মৰম আৰু বৰদিনৰ শুভেচ্ছা জনাইছে । বেবোৱে মন্তব্যত লিখিছে, ‘হেপ্পী খ্ৰীষ্টমাছ ছুপাৰষ্টাৰ’।
আলিয়া ভাট
আলিয়া ভাটে পৰিয়ালৰ সৈতে এই বিশেষ দিনটো উদযাপন কৰে । বৰদিনত আলিয়াই সুন্দৰ সময় অতিবাহিত কৰে আৰু মুম্বাইত পৰিয়ালৰ সৈতে মানসম্পন্ন সময় কটায় । কাপুৰ পৰিয়ালৰ বাৰ্ষিক দুপৰীয়াৰ আহাৰ গ্ৰহণৰ পিছত খ্ৰীষ্টমাছৰ ফটো শ্বেয়াৰ কৰি আলিয়াই কেপশ্যনত লিখিছে, ‘জিলিকি থকা লাইটবোৰৰ তলত, প্ৰেমেৰে আৱৰি থকা এয়াই খ্ৰীষ্টমাছৰ অনুভৱ’। প্ৰথম ফটোখনত আলিয়াই ৰণবীৰ কাপুৰ আৰু ৰাহাৰ সৈতে প'জ দিয়া দেখা গৈছে । আন এখন ছবিত তেওঁক তেওঁৰ মাতৃ ছোনী ৰাজদান আৰু ভগ্নী শ্বাহীনৰ সৈতে দেখা গৈছে । ধাৰাবাহিক ফটোত আলিয়াৰ একক ফটো আৰু বন্ধু-বান্ধৱীৰ সৈতেও ফটো দেখা গৈছে ।
কিয়াৰা আদৱানী আৰু সিদ্ধাৰ্থ মালহোত্ৰা
সিদ্ধাৰ্থ মালহোত্ৰাই তেওঁলোকৰ ইনষ্টাগ্ৰাম হেণ্ডেলত এটি যুটীয়া পোষ্ট শ্বেয়াৰ কৰিছে, য'ত দুয়োকে আলিংগন কৰা দেখা গৈছে । তেওঁলোকৰ পিছফালে এডাল খ্ৰীষ্টমাছ ট্ৰী আছে । এই ফটোৰ শিৰোনামটোত লিখা আছে, ‘আমাৰ তৰফৰ পৰা সকলোলৈকে খ্ৰীষ্টমাছৰ শুভেচ্ছা ।’
বৰুণ ধৱন
বৰুণ ধৱনেও কন্যা লাৰাৰ সৈতে প্ৰথমটো বৰদিন উদযাপন কৰে । বেবী জনৰ অভিনেতাজনে নিজৰ ইনষ্টাগ্ৰামত লাৰাৰ প্ৰথম খ্ৰীষ্টমাছ উদযাপনৰ ফটো শ্বেয়াৰ কৰিছে, য’ত তেওঁৰ পত্নী নাতাশা দলাল আৰু পোহনীয়া কুকুৰটোকো দেখা গৈছে । পটভূমিত বৰদিনৰ গছ এজোপাও আছে । অভিনেতাগৰাকীয়ে কেপশ্যনত লিখিছে, ‘মি উইথ মাই বেবীজ । শুভ বৰদিন ।’
নয়নতাৰা আৰু বিগনেশ শিৱান
নয়নতাৰা আৰু বিগনেশ শিৱানেও পুত্ৰ উয়িৰ আৰু উলাগৰ সৈতে বৰদিন উদযাপন কৰে । ইনষ্টাগ্ৰামত বৰদিনৰ ফটো শ্বেয়াৰ কৰাৰ সময়ত নয়নতাৰাই লিখিছে, “মেৰী খ্ৰীষ্টমাছ টু অল । এই বন্ধৰ দিনটোৱে আপোনাৰ জীৱনলৈ শান্তি, প্ৰেম আৰু স্মৰণীয় মুহূৰ্ত কঢ়িয়াই আনক ।”
পৰিচালক এটলী
পৰিচালক এটলী আৰু পত্নী-প্ৰযোজক প্ৰিয়াই তেওঁলোকৰ পুত্ৰ মীৰৰ সৈতে খ্ৰীষ্টমাছ উদযাপন কৰে । ইনষ্টাগ্ৰামত পৰিয়ালৰ সৈতে খ্ৰীষ্টমাছ উদযাপনৰ এখন ফটো শ্বেয়াৰ কৰি তেওঁ লিখিছে, “লীৰ তৰফৰ পৰা মেৰী খ্ৰীষ্টমাছ । আপোনাক আৰু আপোনাৰ পৰিয়াললৈ বুলি যথেষ্ট পোহৰ আৰু সুখ কামনা কৰিছো ।”
একে সময়তে, বলীউডৰ মোহময়ী তাৰকা কৃতি সেননে ভাৰতীয় ক্ৰিকেটৰ শীতল অধিনায়ক বুলি জনাজাত এম এছ ধোনীৰ সৈতে খ্ৰীষ্টমাছ উদযাপন কৰে । কৃতিৰ লগত ফটোত প্ৰেমিক বুলি চৰ্চিত কবীৰ বাহিয়াও ওলাল । কৃতিয়ে ছাণ্টাৰূপী ধোনীৰ সৈতে ফটোও তোলে আৰু সামাজিক মাধ্যমত শ্বেয়াৰ কৰে । তেওঁলোকৰ উপৰিও, ভাৰতীয় চলচ্চিত্ৰ উদ্যোগৰ বহুতো চেলেব্ৰিটীয়ে তেওঁলোকৰ প্ৰিয়জনৰ সৈতে খ্ৰীষ্টমাছ উদযাপনৰ ফটো শ্বেয়াৰ কৰে আৰু তেওঁলোকৰ অনুৰাগীসকলক খ্ৰীষ্টমাছৰ শুভেচ্ছা জনায় ।
লগতে পঢ়ক : খ্ৰীষ্টমাছ উদযাপন অধিক উপভোগ্য কৰিবলৈ এই ৫খন ছবি চাওক
