হায়দৰাবাদ: ভাৰতত মুকলি কৰিবলৈ সাজু হৈছে iQOO ৰ নতুন স্মাৰ্টফোন iQOO Neo 10R । অহা 11 মাৰ্চত ভাৰতৰ বজাৰত মুকলি কৰা হ’ব এই স্মাৰ্টফোনটো । মুকলিৰ পূৰ্বে কোম্পানীটোৱে লাহে লাহে এই ফোনটোৰ সবিশেষ প্ৰকাশ কৰি আহিছে । শেহতীয়াকৈ কোম্পানীটোৱে প্ৰকাশ কৰিছে যে এই ফোনটো ভাৰতত Raging Blue ৰঙত আহিব । এতিয়া কোম্পানীটোৱে এই ফোনটোৰ আন এটা ৰঙৰ ভিন্নতা প্ৰকাশ কৰিছে । কোম্পানীটোৱে X ত এই ফোনটোৰ মুনলাইট টাইটানিয়াম ভেৰিয়েণ্টৰ ফটো শ্বেয়াৰ কৰিছে । ফোনটোৰ মাইক্ৰ’ছাইট আমাজনতো লাইভ, য’ত কোম্পানীটোৱে এই ছেগমেণ্টৰ আটাইতকৈ দ্ৰুততম ফোন হ’ব বুলি জনাইছে ।
Moonnite টাইটানিয়াম ৰং
Witness the rise of a color that embodies dominance and elegance. 🌙⚡ Where unmatched strength, refined style, and unstoppable power converge.
— iQOO India (@IqooInd) February 8, 2025
Get ready to experience a new era of sophistication. Coming soon!
Available exclusively on @amazonIN and https://t.co/bXttwlZo3N.… pic.twitter.com/FIwisJntdz
iQOO Neo 10R ৰ Moonnite Titanium ভেৰিয়েণ্টে ৰূপালী/ধূসৰ ৰঙৰ এটা আকৰ্ষণীয় ডিজাইন প্ৰদান কৰে । ইয়াৰ সমতল প্ৰান্ত আৰু সামান্য ঘূৰণীয়া চুকবোৰে ইয়াক আধুনিক ৰূপ দিছে । ফোনটোত এটা বৰ্গক্ষেত্ৰৰ কেমেৰা মডিউল, উলম্ব অৱস্থাত দুটা কেমেৰা আৰু কেমেৰা মডিউলৰ বাহিৰত উলম্ব LED ফ্লেছ ছেটআপ আছে । ইয়াৰ উপৰিও এই ফোনটো ৰেজিং ব্লু ফৰ ইণ্ডিয়া নামৰ এক্সক্লুছিভ ভেৰিয়েন্টত আহিব, য’ত বগা আৰু নীলা ৰঙৰ ডুৱেল টোন ডিজাইন থাকিব ।
iQOO Neo 10R ৰ বিশেষত্ব
ইতিমধ্যে কোম্পানীটোৱে নিশ্চিত কৰিছে যে iQOO Neo 10R ত Snapdragon 8s Gen 3 চিপছেট থাকিব । এই পাৰফৰমেন্স-ফ’কাচড ফোনটোৱে 90 এফপিএছ গেমিং সমৰ্থন কৰিব, যিটো আল্ট্ৰা গেম মোডত বিল্ট-ইন এফপিএছ মনিটৰ ব্যৱহাৰ কৰি নিৰীক্ষণ কৰিব পাৰি । ইয়াৰ উপৰিও এই ফোনটোৱে উন্নত গেমিং অভিজ্ঞতাৰ বাবে 2000Hz তৎক্ষণাত টাচ্চ চেম্পলিং ৰেট সমৰ্থন কৰিব ।
50 মেগাপিক্সেলৰ মূল কেমেৰা
ফোনটোত 6.78 ইঞ্চিৰ ফ্লেট AMOLED পেনেল থাকিব, যিয়ে 1.5 K ৰিজ’লিউচন আৰু 144Hz ৰিফ্ৰেছ ৰেট প্ৰদান কৰিব । এই ফোনটো এণ্ড্ৰইড 15 ত চলিব আৰু ইয়াৰ ওপৰত থাকিব ফানটাচ অ’ এছ 15 । ছেলফিৰ বাবে ফোনটোত থাকিব 16 মেগাপিক্সেলৰ ফ্ৰন্ট ফেচিং কেমেৰা । ফোনটোৰ পিছফালৰ পেনেলত OIS সমৰ্থনৰ সৈতে 50 মেগাপিক্সেলৰ মেইন কেমেৰা আৰু 8 মেগাপিক্সেলৰ আল্ট্ৰা ৱাইড লেন্স থাকিব । ইয়াৰ উপৰিও ফোনটোত ইন-স্ক্ৰীণ ফিংগাৰপ্ৰিণ্ট চেন্সৰ আৰু আই আৰ ব্লাষ্টাৰৰ দৰে আন বৈশিষ্ট্যও থাকিব । দামৰ কথা ক’বলৈ গ’লে এই ফোনটোৰ মূল্য 30 হাজাৰ টকাৰ তলত হোৱাৰ সম্ভাৱনা আছে, যাৰ বাবে ই Poco X7 Pro ৰ সৈতে ভাল প্ৰতিযোগিতাত অৱতীৰ্ণ হ’ব বুলি আশা কৰা হৈছে ।
লগতে পঢ়ক
