অস্কাৰ বঁটা বিজয়ী সুৰকাৰ এ আৰ ৰহমান আৰু তেওঁৰ পত্নী ছাইৰা বানুৱে প্ৰায় তিনিটা দশকৰ অন্তত ইজনে আনজনৰ পৰা বিচ্ছেদ হোৱাৰ কথা সামূহিকভাৱে ঘোষণা কৰে ৷ দুয়োজনে প্ৰায় ২৯ বছৰ ধৰি একেলগে জীৱন নিৰ্বাহ কৰিছিল যদিও এতিয়া বিবাহ বিচ্ছেদৰ সিন্ধান্ত গ্ৰহণ কৰে ৷
ছ’চিয়েল মিডিয়া পোষ্ট এক্সত এই তথ্য দিওঁতে সংগীত সুৰকাৰ এ আৰ ৰহমানে কয় যে, আমি আশাবাদী যে আমি ত্ৰিশ বছৰ সম্পূৰ্ণ কৰিম ৷ লগতে তেওঁ সকলোকে তেওঁলোকৰ এই সিন্ধান্তক সন্মান জনাবলৈ আহ্বান জনায় ৷
শেহতীয়াকৈ ৰাষ্ট্ৰসংঘই প্ৰকাশ কৰা প্ৰতিবেদন অনুসৰি ভাৰতত বিবাহ বিচ্ছেদৰ গোচৰ দ্ৰুতগতিত বৃদ্ধি পাইছে ৷ প্ৰতিবেদন অনুসৰি ভাৰতত ২০০০ চনৰ পৰা বিবাহ বিচ্ছেদৰ হাৰ দুগুণ বৃদ্ধি পাইছে ৷ ৰাষ্ট্ৰসংঘই নিজৰ প্ৰতিবেদনত উল্লেখ কৰিছে যে ২০০৫ চনত ভাৰতত বিবাহ বিচ্ছেদৰ হাৰ ০.৬ শতাংশ আছিল, যিটো ২০১৯ চনত ১.১ শতাংশলৈ বৃদ্ধি পাইছে ৷ অৱশ্যে গ্ৰামাঞ্চলতকৈ চহৰাঞ্চলত ইয়াৰ অনুপাত বহু বেছি বুলিও প্ৰতিবেদনত প্ৰকাশ পাইছে ৷
ভাৰতত বিবাহ বিচ্ছেদৰ গোচৰ কিয় বাঢ়িছে:
ব্যস্ত জীৱনশৈলী
ব্যস্ততাৰে ভৰা এই জীৱনত মানুহে ইজনে আনজনক সময় দিব পৰা নাই ৷ এনে পৰিস্থিতিত স্বামী-স্ত্ৰীৰ মাজত যোগাযোগৰ ব্যৱধান লাহে লাহে বৃদ্ধি পাবলৈ ধৰিছে ৷ যিকোনো সম্পৰ্কৰ ভেটি যোগাযোগৰ ওপৰত নিৰ্ভৰশীল ৷ এনে পৰিস্থিতিত যোগাযোগৰ অভাৱৰ বাবে স্বামী-স্ত্ৰীৰ মাজত ভুল বুজাবুজি বাঢ়িবলৈ আৰম্ভ কৰে, যাৰ ফলত কাজিয়াৰ সৃষ্টি হয় আৰু লাহে লাহে সম্পৰ্কটো ভাঙি যোৱাৰ উপক্ৰম ঘটে ৷
মানসিক স্বাস্থ্যৰ বাবে সম্পৰ্ক ভাঙি যোৱা
সম্পৰ্কত বিচ্ছেদ ঘটাৰ আঁৰৰ এটি প্ৰধান কাৰণ হ’ব পাৰে মানসিক স্বাস্থ্য ৷ দৰাচলতে মানসিক স্বাস্থ্যই যিকোনো সম্পৰ্কত গভীৰ প্ৰভাৱ পেলায় ৷ যদি কোনো ব্যক্তিয়ে মানসিক স্বাস্থ্য সম্পৰ্কীয় সমস্যাৰ সৈতে যুঁজি আছে তেন্তে ই কেৱল তেওঁকেই প্ৰভাৱিত কৰাই নহয়, তেওঁৰ ওচৰ-চুবুৰীয়া লোকসকলো ইয়াৰ দ্বাৰা প্ৰভাৱিত হ’ব পাৰে ৷ বহু সময়ত এই সমস্যাৰ বাবে যোগাযোগৰ অভাৱ, মানসিক চাপ আৰু উদ্বেগ বৃদ্ধি পায়, যাৰ ফলত সম্পৰ্কত বিভাজনৰ সৃষ্টি হয় ৷
বিবাহ বৰ্হিভূত সম্পৰ্কৰ বাবে সম্পৰ্কত ফাঁট মেলা
স্বামী-স্ত্ৰীৰ সম্পৰ্ক আটাইতকৈ পবিত্ৰ আৰু গুৰুত্বপূৰ্ণ ৷ কোৱা হয় যে বিবাহক সাত জনমৰ বান্ধোন বুলি কোৱা হয় ৷ একে সময়তে স্বামী-স্ত্ৰীৰ সম্পৰ্ক আস্থাৰ সূতাৰ ওপৰত থিয় হৈ থাকে ৷ কিন্তু যেতিয়াই কোনো তৃতীয় ব্যক্তিৰ আগমণ ঘটে তেতিয়া এটি ভাল সম্পৰ্কতো আউল লাগিবলৈ আৰম্ভ কৰে ৷ সেই সময়ত এই বিষয়টো বিবাহ বিচ্ছেদৰ পৰ্যায় পায়গৈ ৷
অহংকাৰৰ সমস্যা
যিকোনো সম্পৰ্ক এটাত অহংকাৰৰ বাবে বহু সময়ত ফাঁট মেলে ৷ এটা সম্পৰ্কক সদায় সুস্থ তথা বচাই ৰাখিবলৈ হ’লে সদায় যদি এজনে খং কৰে তেন্তে আনজনে শান্তভাৱে তেওঁৰ কথা শুনাটো খুবেই জৰুৰী ৷ কিন্তু কেতিয়াবা স্বামী-স্ত্ৰীৰ সম্পৰ্কত ইয়াৰ বিপৰীত হোৱা দেখা যায়, যাৰ বাবে বিবাহ বিচ্ছেদৰ পিনে ঢাল খায় ৷
