ইণ্টাৰনেশ্যনেল ডেস্ক,২০ জুন: প্ৰতিবছৰৰ আটাইতকৈ দীঘল দিন বা দীঘল নিশাটোৰ লগত সাংকেতিকভাৱে আটাইতকৈ ওখ জন্তু জিৰাফক তুলনা কৰি ২১ জুনত জিচিএফে পালন কৰি আহিছে বিশ্ব জিৰাফ দিৱস । ২১ জুনক পৃথিৱীৰ আটাইতকৈ দীঘল দিন বা দীঘল নিশা হিচাপে গণ্য কৰা হয় । জিৰাফৰ ডিঙিটোক ইয়াৰ সাংকেতিক চিহ্ন হিচাপে গণ্য কৰা হয় ।
বিশ্ব জিৰাফ দিৱসৰ ইতিহাস
এই আশ্চৰ্যজনক জন্তুটোৰ সুৰক্ষাৰ বিষয়ে সজাগতা বৃদ্ধি কৰিবলৈ জিচিএফৰ দ্বাৰা বিশ্ব জিৰাফ দিৱস আৰম্ভ কৰা হৈছিল । এই বিশেষ দিনটো বিচিত্ৰ প্ৰাণী, অৰ্থাৎ বিশ্বব্যাপী থকা জিৰাফৰ বাবে উৎসৰ্গা কৰা হয় । ২০১৬ চনত, আই.ইউ.চি.এন. বিপদজনক তালিকা অনুসৰি, জিৰাফ সংৰক্ষণৰ ক্ষেত্ৰত দুৰ্বললোকৰ বাবে নিম্নতম চিন্তা সলনি কৰা উদ্দেশ্যে এই পদক্ষেপ গ্ৰহণ কৰা হৈছিল ।
লক্ষ্যণীয় যে, ১৯৮৫ চনৰ পৰা ২০১৫ চনলৈ জিৰাফৰ সংখ্যা ১,৫১,৭০২-১৬৩,৪৫২ ৰ পৰা ৯৭,৫৬২ লৈ হ্ৰাস পাইছে । হ্ৰাস পোৱাৰ শতাংশৰ হাৰ হৈছে ৩৬-৪০ শতাংশ । নটা উপ-প্ৰজাতিৰ ভিতৰত অন্যতম মাচাই জিৰাফ প্ৰজাতিটো দ্ৰুতগতিত হ্ৰাস পোৱা দেখা গৈছে । এইদৰে জিৰাফৰ প্ৰজাতি বিলুপ্তি ঘটি থাকিলে বন্যপ্ৰাণীৰ বাবে গুৰুতৰ ক্ষতি হ'ব ।
জিৰাফে মানুহৰ সৈতে বন্ধুত্বপূৰ্ণ অৱস্থান গ্ৰহণ নকৰে কিন্তু মানৱ জাতিৰ বাবে ই অনুপ্ৰেৰণাৰ উৎস হিচাপে বিবেচিত । ইয়াৰ শাৰীৰিক গঠন আৰু জীৱন ধাৰণ প্ৰণালীয়ে সকলোকে যিকোনো পৰিস্থিতিত শক্তিশালী হ'বলৈ অনুপ্ৰাণিত কৰে । সেয়েহে, জিচিএফে ২১ জুনত বিশ্ব জিৰাফ দিৱস উদযাপন কৰাৰ বাবে পোষকতা কৰিছিল ।
বিশ্ব জিৰাফ দিৱসৰ উদ্দেশ্য
বিশ্ব জিৰাফ দিৱস উদযাপনৰ প্ৰাথমিক উদ্দেশ্য হৈছে আফ্ৰিকাৰ অন্যতম জিৰাপৰ প্ৰজাতি সংৰক্ষণৰ বাবে এক মঞ্চ প্ৰদান কৰা । এই দিনটোত জিৰাফে বনাঞ্চলত সন্মুখীন হোৱা প্ৰত্যাহ্বানবোৰৰ ওপৰত আলোকপাত কৰা হয় । লক্ষ্যণীয়বাৱে জিৰাফবোৰ জনপ্ৰিয় হোৱা স্বত্বেও,বিলুপ্তপ্ৰায় প্ৰজাতিৰ তালিকাত সোমাই পৰিছে ।
জিৰাফৰ বিষয়ে বিশেষ বৈশিষ্ট
জিৰাফৰ চাৰিটা পৃথক প্ৰজাতি আছে:
উত্তৰ জিৰাফ, দক্ষিণ জিৰাফ, ৰেটিকুলেটেড জিৰাফ আৰু মাচাই জিৰাফ
দুটা জিৰাফৰ ছালৰ বৰণ একে নহয়, কিছুমানৰ দেহত মানুহৰ আঙুলিৰ ছাপৰ দৰে চিহ্ন থাকে
জিৰাফ হৈছে পৃথিৱীৰ আটাইতকৈ ওখ স্তন্যপায়ী জীৱ ।
জিৰাফে বিগত ৩০০ বছৰত প্ৰায় 90 শতাংশ বাসস্থান হেৰুৱাইছে
প্ৰতি চাৰিটা হাতীৰ তুলনাত আফ্ৰিকাত কেৱল এটা জিৰাফহে বনাঞ্চলত থাকে । যি বিগত চাৰে তিনি দশকত প্ৰায় ৩০ শতাংশ হ্ৰাস পাইছে ।
উল্লেখ্য যে জিৰাফে বনাঞ্চলত প্ৰায় ২৫ বছৰ বয়সলৈকে জীয়াই থাকিব পাৰে
বৰ্তমান বিশ্বত কিমানটা জিৰাফ জীয়াই আছে ?