সংবাদ সংস্থা ANI ৰ বাতৰিত প্ৰকাশিত তথ্য মতে, IDF-এ কয় যে এই কমাণ্ড চেণ্টাৰসমূহৰ সহায়ত ইজৰাইলৰ বিৰুদ্ধে সন্ত্ৰাসবাদী আক্ৰমণৰ পৰিকল্পনা, কমাণ্ড আৰু সম্পন্ন কৰা হৈছিল আৰু দক্ষিণ লেবাননত কাৰ্যকৰী আইডিএফৰ সৈন্যৰ বিৰুদ্ধে সন্ত্ৰাসবাদী কাৰ্যকলাপ নিৰীক্ষণ কৰা হৈছিল ।
ইফালে, লেবাননৰ স্বাস্থ্য মন্ত্ৰালয়ে দেওবাৰে মৃত্যুৰ সংখ্যা ওপৰলৈ সংশোধন কৰি প্ৰথমে ২০ জন লোকৰ মৃত্যুৰ খবৰ দিয়াৰ পিছত ইয়াৰ সংখ্যা আৰু অধিক বুলি নিশ্চিত কৰে । ইজৰাইলী বিমান আক্ৰমণৰ কৰুণ পৰিণতি স্পষ্ট হৈ পৰাৰ সময়তো উদ্ধাৰকাৰী দলসমূহে সপ্তাহৰ শেষৰ ফালে কাম কৰিয়ে থাকে ।
বেইৰুটৰ বাহিৰত ইজৰাইলী বিমান আক্ৰমণত পূব লেবাননৰ বালবেক-হাৰ্মেল অঞ্চলকো লক্ষ্য কৰি লোৱা হয়, য’ত শ্বমাইষ্টাৰৰ ওপৰত আক্ৰমণত চাৰিটা শিশুকে ধৰি কমেও ১৩ জন লোকৰ মৃত্যু হয় । সেই আক্ৰমণত আন ১৩ জন আহত হোৱাৰ বিপৰীতে আশে-পাশে থকা চহৰসমূহত অতিৰিক্ত বিমান আক্ৰমণৰ ফলত কমেও ১১ জন লোকৰ মৃত্যু হয় আৰু ৩২ জন আহত হয় । দক্ষিণ লেবাননত টায়াৰ চহৰকো লক্ষ্য কৰি লোৱা হয় ৷ ইজৰাইলৰ বোমাবৰ্ষণত ৫ জন লোক নিহত হোৱাৰ লগতে ১৯ জন আহত হয় ।
ছেপ্টেম্বৰৰ পৰা ইজৰাইলৰ বিমান আক্ৰমণত হিজবুল্লাহৰ কেইবাজনো অধিনায়ক নিহত হোৱাৰ লগতে মূল আন্তঃগাঁথনি লক্ষ্য কৰি দক্ষিণ লেবাননত ব্যাপক ধ্বংসলীলা সংঘটিত হৈছে । এই সংঘাতৰ ফলত লেবাননত ৩ হাজাৰতকৈ অধিক লোকৰ মৃত্যু হৈছে আৰু ১০ লাখৰো অধিক লোক স্থানচ্যুত হৈছে বুলি ৰাষ্ট্ৰসংঘই প্ৰকাশ কৰিছে । (ANI)
