ইছলামাবাদ : ২৬/১১ মুম্বাই আক্ৰমণ কাণ্ডত জড়িত হাফিজ আব্দুল ৰেহমান মাক্কিৰ হৃদৰোগত আক্ৰান্ত হৈ পাকিস্তানত মৃত্যু । পাকিস্তানৰ চামা টিভিয়ে শুকুৰবাৰে এই কথা প্ৰকাশ কৰে । মাক্কি এখন চিকিৎসালয়ত চিকিৎসাধীন হৈ আছিল ।
তেওঁৰ জন্ম হৈছিল ১৯৫৪ চনৰ ১০ ডিচেম্বৰত । মাক্কিয়ে আমেৰিকাই ঘোষণা কৰা বিদেশী সন্ত্ৰাসবাদী সংগঠন লস্কৰ-ই-তৈবা (এল ই টি)ৰ অন্তৰ্গত বিভিন্ন গোটত নেতৃত্বৰ ভূমিকা পালন কৰিছিল ।
তেওঁ এল ই টি কাৰ্যকলাপৰ বাবে পুঁজি সংগ্ৰহ কৰাটো গুৰুত্বপূৰ্ণ ভূমিকা পালন কৰিছিল । ৰাষ্ট্ৰসংঘৰ মতে, তেওঁ এল ই টিৰ বৈদেশিক সম্পৰ্ক বিভাগৰ মুৰব্বী আৰু চুৰা (পৰিচালনা সমিতি)ৰ সদস্য হিচাপে কাৰ্যনিৰ্বাহ কৰিছিল । তেওঁ এল ই টি প্ৰধান হাফিজ মহম্মদ চৈয়দৰ ভাতৃ ।
