ইন্টাৰনেশ্যনেল ডেস্ক, 28 জানুৱাৰী: গাজাৰ দ্বিতীয় বৃহত্তম চহৰ খান ইউনিছৰ নাছেৰ মেডিকেল কমপ্লেক্স হাস্পতালত ইজৰাইল সেনাই ঘেৰাও কৰা কৰি ১৫০ জনতকৈ অধিক পেলেষ্টাইনী লোকক হত্যা কৰে । গাজাৰ স্বাস্থ্য মন্ত্ৰালয়ে প্ৰকাশ কৰিছে এই তথ্য ।
গাজা স্বাস্থ্য মন্ত্ৰালয়ৰ মুখপাত্ৰ আশ্ৰাফ আল কেদ্ৰাই শনিবাৰে কয় যে চিকিৎসালয়ৰ চৌহদত কবৰ খান্দি পেলেষ্টাইনীসকলে মৃতকক সমাধিস্থ কৰিবলৈ বাধ্য হৈছে । তেওঁ কয় যে আমাৰ এতিয়াও নাছিৰ মেডিকেল কমপ্লেক্সৰ মৰ্চাৰীত ৰখা হৈছে ৩০ টা মৃতদেহ, যিবোৰ চিনাক্তকৰণ হোৱা নাই ।
গাজা স্বাস্থ্য মন্ত্ৰালয়ৰ মুখপাত্ৰ আশ্ৰাফ আল-কেদ্ৰাই কয় যে পেলেষ্টাইনীসকলে চিকিৎসালয়খনৰ চৌহদতে মৃতকক সমাধিস্থ কৰিবলৈ বাধ্য হৈছে বুলি সংবাদ সংস্থা ছিনহুয়াই প্ৰকাশ কৰিছে ।
আশ্ৰাফে কয় যে ইজৰাইল সেনাই ঘেৰাওৰ সময়ত খান ইউনিছৰ নাছেৰ মেডিকেল কমপ্লেক্স আৰু হোপ হাস্পতালত ঔষধ আৰু অন্যান্য সা-সুবিধা আহিবলৈ দিয়া নাছিল । লগতে এম্বুলেন্সৰ চলাচল বন্ধ কৰি দিয়ে ৷ যাৰ বাবে বহু লোকে চিকিৎসা লাভ কৰিব নোৱাৰিলে । নাছিৰ চিকিৎসালয়ৰ ব্লাড ইউনিটত নাটনি হোৱাৰ বাবে বহু এনাস্থেচিয়া ঔষধ শেষ হোৱা বুলিও তেওঁ কয় ।