Vitamin Deficiency: বাৰ্ধক্য এক স্বাভাৱিক প্ৰক্ৰিয়া । প্ৰত্যেকগৰাকী লোকেই নিজৰ জীৱনত এদিন নহয় এদিন বুঢ়া হ’ব লাগিবই । কিন্তু এনে বহুলোক আছে যাৰ বয়স বৃদ্ধি হ’লেও নিজৰ বয়সতকৈ যথেষ্ট সৰু দেখা যায় । আপুনি কেতিয়াবা ভাবিছেনে যে এনেকুৱা কিয় হয় ? সম্প্ৰতি বিজ্ঞানীসকলে বিচাৰি উলিয়াইছে ইয়াৰ সঠিক উত্তৰ ৷
বাৰ্ধক্য হৈছে আমাৰ জীৱনৰ এক স্বাভাৱিক প্ৰক্ৰিয়া ৷ কিন্তু এনে বহুলোক আছে যাৰ বয়স বঢ়াৰ পিছতো, মুখত বাৰ্ধক্য দেখা নাযায় ৷ বৰঞ্চ বয়সতকৈ বহুত সৰুহে দেখা যায় ৷ আপুনি কেতিয়াবা ভাবিছেনে যে এনেকুৱা কিয় হয় ? সম্প্ৰতি এই প্ৰশ্নৰ উত্তৰ বিচাৰি উলিয়াইছে বিজ্ঞানীসকলে ৷
নিউট্ৰিয়েণ্টছ নামৰ আলোচনীখনত প্ৰকাশিত এক নতুন গৱেষণাৰ মতে, ভিটামিন ডিয়ে বাৰ্ধক্য প্ৰক্ৰিয়াক লেহেমীয়া কৰিব পাৰে ৷ বিজ্ঞানীসকলৰ মতে, ভিটামিন ডিয়ে কেইবাটাও গুৰুত্বপূৰ্ণ কাৰকক প্ৰভাৱিত কৰে যি বাৰ্ধক্য আৰু বয়সৰ বৃদ্ধিৰ সৈতে জড়িত ৷
বাৰ্ধক্য প্ৰক্ৰিয়া কেনেকৈ হয় ?
বয়স বঢ়াৰ লগে লগে আমাৰ শৰীৰত বহু পৰিৱৰ্তন ঘটে ৷ কোষত প্ৰদাহ, কোষৰ মাজত যোগাযোগ বিঘিনি, ষ্টেম চেলৰ ক্লান্তি, কোষৰ সংবেদনশীলতা হ্ৰাস, মাইট’কণ্ড্ৰিয়াৰ দুৰ্বলতা, পুষ্টিকৰ পদাৰ্থৰ অনুচিত শোষণ, প্ৰ’টিনৰ পৰিৱৰ্তন আৰু জিনৰ পৰিৱৰ্তন আদিয়েই বাৰ্ধক্যৰ বাবে দায়ী ৷ এই সকলোবোৰ প্ৰক্ৰিয়া অতি জটিল যদিও এই সকলোবোৰ প্ৰক্ৰিয়াত ভিটামিন ডিয়ে গুৰুত্বপূৰ্ণ ভূমিকা পালন কৰে ৷
ভিটামিন ডি কেনেকৈ কাম কৰে ?
ভিটামিন ডি আমাৰ শৰীৰৰ বাবে আৰু বহু দিশত উপকাৰী ৷ ই হাড় মজবুত কৰা, ৰোগ প্ৰতিৰোধ ক্ষমতা শক্তিশালী কৰা আৰু মেজাজ উন্নত কৰাত সহায় কৰে ৷ ইয়াৰ উপৰিও ভিটামিন ডিয়ে কোষৰ মেৰামতি আৰু নবীকৰণতো সহায় কৰে ৷ বিজ্ঞানীসকলৰ মতে, ভিটামিন ডিয়ে প্ৰদাহ হ্ৰাস কৰি, কোষৰ মাজত যোগাযোগ উন্নত কৰি আৰু ষ্টেম চেল সক্ৰিয় কৰে যিয়ে বাৰ্ধক্য প্ৰক্ৰিয়া লেহেমীয়া কৰিব পাৰে ৷
ভিটামিন ডিৰ অভাৱৰ লক্ষণসমূহ কি কি ?
ভিটামিন ডিৰ অভাৱত হাড় দুৰ্বল হোৱা, ভাগৰুৱা অনুভৱ হোৱা, পেশীৰ বিষ, বিষণ্ণতা আৰু ৰোগ প্ৰতিৰোধ ক্ষমতা দুৰ্বল হোৱা আদি লক্ষণ দেখা দিব পাৰে ৷ ইয়াৰ উপৰিও ভিটামিন ডিৰ অভাৱত হৃদৰোগ, কেন্সাৰ, ডায়েবেটিছ আদি গুৰুতৰ ৰোগৰ সম্ভাৱনাও বৃদ্ধি পায় ৷
ভিটামিন ডি কেনেকৈ পাব ?
সূৰ্যৰ পোহৰৰ পৰা ভিটামিন ডি আমি সহজে লাভ কৰিব পাৰো ৷ প্ৰতিদিনে পুৱাৰ ভাগত কিছু সময় ৰ’দত বহিলে আপুনি আপোনাৰ শৰীৰৰ ভিটামিন ডিৰ প্ৰয়োজনীয়তা পূৰণ কৰিব পাৰে ৷ ইয়াৰ উপৰিও ভিটামিন ডি সমৃদ্ধ খাদ্য যেনে মাছ, কণী, গাখীৰ আদিও সেৱন কৰিব পাৰে ৷ যদি আপুনি Vitamin D ৰ অভাৱত ভুগিছে তেন্তে Vitamin D টেবলেট গ্ৰহণ কৰাৰ বাবে চিকিৎসকৰ পৰামৰ্শ ল’ব পাৰে ৷
