প্ৰদূষণৰ সময়তো ধূমপান কৰে নেকি ? হ’ব পাৰে নেকি হাওঁফাওঁৰ ক্ষতি, কি কয় গৱেষণাই

বাঢ়ি অহা প্ৰদূষণত ধূমপান কৰিলে মানৱ স্বাস্থ্যৰ ওপৰত কেনে প্ৰভাৱ পৰিব পাৰে ? বিশেষজ্ঞৰ পৰাই জানি লও আহক-

ভাৰতবৰ্ষৰ বহু ঠাইত এতিয়াও প্ৰদূষণ নিয়ন্ত্ৰণ কৰিব পৰা হোৱা নাই ৷ ইয়াৰ মাত্ৰা যদি কেতিয়াবা কমিছে নহ’লে কেতিয়াবা বৃদ্ধি পাইছে ৷ আমি সকলোৱে জানো যে বায়ু প্ৰদূষণৰ বাবে এনে কিছুমান দূষিত কণা বায়ুত মিহলি হয়, য’ত আমি উশাহ ল’লে হাওঁফাওঁৰ সংক্ৰমণ আৰু হাওঁফাওঁৰ কৰ্কট ৰোগৰ দৰে মাৰাত্মক ৰোগৰ সম্ভাৱনা বৃদ্ধি পায় ৷ ইয়াৰ আঁৰৰ এটা কাৰণ এইটোও হয় যে, বায়ু প্ৰদূষণৰ বাবে বায়ুত কণাবোৰ মিহলি হৈ পৰে, যাৰ ফলত আমাৰ স্বাস্থ্যৰ ওপৰত বিৰূপ প্ৰভাৱ পৰে ৷ বৰ্তমান অসমৰ বায়ুমান সূচাংক হৈছে 75 যিটো এক চিন্তনীয় বিষয় ৷

বায়ু প্ৰদূষণৰ ইমান বেয়া প্ৰভাৱ পৰিলেও এনে লোকৰ এই পৃথিৱীত অভাৱ নাই যিয়ে দিনটোত এবাৰ নহয় বহুবাৰ ধূমপান কৰে ৷ বিশেষজ্ঞসকলৰ মতে, প্ৰদূষণ বৃদ্ধিৰ বাবে ধূমপানে হাওঁফাওঁত অতি বিৰূপ প্ৰভাৱ পেলাব পাৰে ৷ কিন্তু কেনেকৈ ? এই প্ৰতিবেদনৰ জৰিয়তে জানো আহক-

প্ৰদূষণ বৃদ্ধিত ধূমপানে হাওঁফাওঁত কি প্ৰভাৱ পেলায় ?

শ্বাস-প্ৰশ্বাসজনিত সমস্যা

প্ৰদূষণৰ মাত্ৰা বৃদ্ধিৰ বাবে প্ৰায় প্ৰতিজন ব্যক্তিয়ে উশাহ-নিশাহৰ সমস্যাৰ সন্মুখীন হয় ৷ ইয়াৰ ভিতৰত সৰু ল’ৰা-ছোৱালী আৰু প্ৰাপ্তবয়স্কসকলো অন্তৰ্ভুক্ত ৷ একে সময়তে যদি আমি আজিকালি ধূমপান কৰা লোকসকলৰ কথাও ক’বলৈ যাও, তেন্তে তেওঁলোকৰ শ্বাস-প্ৰশ্বাসজনিত সমস্যা দিনক দিনে আৰু বাঢ়ি গৈ আছে ৷ দৰাচলতে প্ৰদূষিত পৰিৱেশত ধূমপানৰ বাবে হাওঁফাওঁৰ কলাৰ ক্ষতি হয় ৷ হাওঁফাওঁৰ প্ৰসাৰণৰ বাবে অতিৰিক্ত কষ্টৰ প্ৰয়োজন হয় আৰু হাওঁফাওঁৰ ক্ৰিয়া প্ৰণালীতো ব্যাঘাত জন্মে ৷

হাওঁফাওঁৰ সংক্ৰমণৰ আশংকা

NIHৰ তথ্য অনুসৰি, বাঢ়ি অহা প্ৰদূষণৰ ফলত ধূমপান কৰা লোকসকলৰ ক্ষেত্ৰতো হাওঁফাওঁৰ সংক্ৰমণৰ আশংকা থাকে ৷ দৰাচলতে ধূমপানৰ জৰিয়তে ধঁপাত আমাৰ ৰক্তকণিকাত প্ৰৱেশ কৰে, আনহাতে, বায়ু প্ৰদূষণত উপস্থিত থকা প্ৰদূষক পদাৰ্থও আমাৰ শৰীৰত প্ৰৱেশ কৰে ৷ এই আটাইবোৰে আমাৰ হাওঁফাওঁত প্ৰত্যক্ষভাৱে প্ৰভাৱ পেলায়, যাৰ বাবে হাওঁফাওঁৰ সংক্ৰমণৰ সম্ভাৱনা বৃদ্ধি পায় ৷ কেৱল ইমানেই নহয়, বৰ্ধিত বায়ু প্ৰদূষণৰ ফলত নিউমোনিয়া, দীৰ্ঘদিনীয়া বাধাপ্ৰাপ্ত পালমোনাৰী ৰোগ আৰু ব্ৰংকিয়ল হাঁপানীৰ দৰে ৰোগো দিনক দিনে বৃদ্ধি পাইছে ৷

হাওঁফাওঁত সংকোচন

হয়তো আপুনি এই বিষয়ে অজ্ঞাত যে বৰ্তমান প্ৰদূষণৰ পৰিস্থিতিত প্ৰায় একাংশ ব্যক্তিয়ে প্ৰতিদিনে ৩ টাকৈ চিগাৰেট পান কৰে ৷ যদি আপুনিও প্ৰদূষণ বাঢ়ি অহা এই সময়ছোৱাত ধূমপান কৰে তেন্তে হাওঁফাওঁত ফুলি উঠাৰ লগতে বুকুতো শ্লেষ্মা গঠন হ’ব পাৰে ৷ হাওঁফাওঁত ফুলা বা প্ৰদাহৰ বাবে বায়ুপথ বন্ধ হৈ পৰে যাৰ ফলত হাওঁফাওঁত সংকোচন হয় ৷ এনে পৰিস্থিতিত ব্যক্তিজনৰ হাওঁফাওঁৰ ক্ষতিও হ’ব পাৰে ৷

উৎস:-https://pmc.ncbi.nlm.nih.gov/articles/PMC4549691/

লগতে পঢ়ক:শীতকালত প্ৰদূষণমুক্ত তথা ভ্ৰমণৰ বাবে উত্তম উত্তৰ-পূবৰ এইসমূহ ঠাই...