আমাৰ শৰীৰৰ বাবে অতিমাত্ৰা কলেষ্টেৰল সুবিধাজনক নহয় ৷ কলেষ্টেৰল হৈছে কোষৰ আৱৰণত পোৱা এক চৰ্বিযুক্ত, তেলেতীয়া ষ্টেৰইড আৰু ই তেজত সঞ্চালিত হয় । ই স্তন্যপায়ী জীৱৰ কোষ আৱৰণৰ এক অত্যাৱশ্যকীয় উপাদান । আমি দৈনন্দিন খোৱা কণীয়ে আমাৰ শৰীৰৰ কলেষ্টেৰলত কেনেদৰে প্ৰভাৱ পেলায় জানেনে ?
পুষ্টিবিদে ডাঃ সুচৰিতা সেনগুপ্তাই এই সন্দৰ্ভত কয় যে, কণীৰ হালধীয়া অংশত আটাইতকৈ বেছি চৰ্বি থাকে ৷ সেইবাবে বহু লোকে উচ্চ ইউৰিক এচিড আৰু কলেষ্টেৰলৰ স্তৰ নিয়ন্ত্ৰণ কৰিবলৈ কণীৰ হালধীয়া অংশ বা কুহুম নাখায় ৷
পুষ্টিবিদগৰাকীয়ে কোৱা অনুসৰি, কণীৰ বগা অংশত প্ৰ'টিন থাকিলেও ইয়াক খোৱাত কোনো বাধা নাই ৷ কণী খোৱাৰ বিষয়ে চিন্তা কৰাৰ একমাত্ৰ কাৰণ হৈছে কণীৰ হালধীয়া অংশ ৷ যদি কণীৰ কুহুম সপ্তাহত 2 দিন খোৱা হয়, তেন্তে ই তেজত কলেষ্টেৰলৰ স্তৰ অত্যধিক বৃদ্ধি নকৰে ৷
যদি কাৰোবাৰ উচ্চ কলেষ্টেৰল আছে বা যদি তেওঁৰ উচ্চ ট্ৰাইগ্লিচাৰাইট বা কম এইচডিএল, এলডিএল আছে তেন্তে সেই ব্যক্তিজনে প্ৰতিদিনে কণীৰ বগা অংশ খাব পাৰে কিন্তু কণীৰ ভিতৰৰ অংশ অৰ্থাৎ কুহুম সপ্তাহত 2 দিনতকৈ বেছি খাব নালাগে ৷