ধুনীয়া দেখাবলৈ.. সদায় সতেজ আৰু চিকচিকিয়া ছালৰ গৰাকী হ’বলৈ প্ৰতিদিনে মুখমণ্ডল পৰিষ্কাৰ কৰি ৰখাটো অতি প্ৰয়োজনীয় ৷ কিন্তু আপুনি জানেনে যে শোৱাৰ আগতে যদি আপুনি মুখ পৰিষ্কাৰ কৰে তেন্তে ই আপোনাৰ ছালৰ বাবে কিমান উপকাৰী ৷
বিশেষজ্ঞসকলে কয় যে, আপুনি যদি উজ্জ্বল আৰু সুস্থ ছাল বিচাৰে তেন্তে কেৱল পুৱাতে নহয় ৰাতিও শুবলৈ যোৱাৰ আগতে মুখখন ধুব লাগে ৷ ৰাতি মুখ ধোৱাৰ সময়ত এই টিপচ্ মানি চলিলে ছালৰ স্বাস্থ্য আৰু সৌন্দৰ্য দুগুণ হ’ব পাৰে ৷ জানো আহক কেনেকৈ-
হাত ধোৱা উচিত:মুখখন স্পৰ্শ কৰাৰ আগতে বিশেষজ্ঞসকলে কয় যে, মুখত যিকোনো সামগ্ৰী প্ৰয়োগ কৰাৰ আগতে প্ৰথমে হাত দুখন ধুব লাগে ৷ কোৱা হয় যে, হাত চাফা কৰাটো এই কাৰণেই প্ৰয়োজনীয় কাৰণ হাতৰ মলি আৰু বেক্টেৰিয়া যাতে মুখলৈ যাব নোৱাৰে ৷
মেক-আপ আঁতৰাওক:যিসকলৰ মেক-আপ কৰাৰ অভ্যাস আছে তেওঁলোকে শুবলৈ যোৱাৰ আগতে সম্পূৰ্ণৰূপে আঁতৰাই চাফা কৰি লোৱা উচিত ৷ অন্যথা ইয়াত থকা ৰাসায়নিক পদাৰ্থই মুখখনৰ অধিক ক্ষতি কৰিব পাৰে বুলি কোৱা হয় ৷ তাৰ বাবে মেকআপ ৰিম'ভাৰ ব্যৱহাৰ কৰি লাহে লাহে ইয়াক আঁতৰাই পেলাব পাৰে ৷
গৰম পানী: মুখখন ধোৱাৰ সময়ত অধিক গৰম পানীৰ ঠাইত কুহুমীয়া পানীৰে পৰিষ্কাৰ কৰা উচিত ৷ কাৰণ বিশেষজ্ঞই কয় যে, বৰ গৰম পানী ব্যৱহাৰ কৰিলে ছালখন অতি ৰুক্ষ হৈ পৰে আৰু ইয়াৰ ফলত ছাল শুকান হয় ৷
ক্লিনজাৰ প্ৰয়োগ কৰক:এতিয়া আপুনি আগতীয়াকৈ বাছি লোৱা ক্লিনজাৰৰ অলপ পৰিমাণে লৈ আঙুলিৰে মসৃণভাৱে মুখত লগাব লাগিব ৷ আঙুলি দুটা ঘূৰণীয়া আকৃতিত লৰচৰ কৰি মালিচ কৰিব লাগে ৷ বিশেষকৈ লেতেৰা আৰু তেলীয়া কপাল, নাক আৰু থুতুৰীত মৃদু মালিচ কৰি পৰিষ্কাৰ কৰিলে ভাল ৷ মালিচৰ বাবে কমেও ২০ ছেকেণ্ড সময় সংৰক্ষণ কৰিব লাগে ৷
ইয়াৰ লগতে, মুখখন পৰিষ্কাৰ কৰাৰ সময়ত জোৰেৰে ঘঁহিব নালাগে ৷ মুখখন পৰিষ্কাৰ কৰাৰ পিচত দৈনিক যিকোনো ছিৰাম, মইশ্ব’ৰাইজাৰ প্ৰয়োগ কৰিব লাগে ৷ কিন্তু বহুতে মুখ ধোৱাৰ সময়ত ডিঙিৰ অংশ পৰিষ্কাৰ নকৰে ৷ কিন্তু, মুখখন চাফা কৰাৰ সময়ত বিশেষজ্ঞসকলে কয় যে, ডিঙিটোও চাফা কৰিব লাগে ৷ কাৰণ মলি আৰু তেল ডিঙিতো জমা হয় ৷ কোৱা হয় যে চাফা কৰিলে সেই ঠাইয়ো পৰিষ্কাৰ হৈ থাকে ৷
বিশেষজ্ঞসকলে কয় যে, ৰাতি পৰিষ্কাৰ কৰিলে মলি আৰু মেকআপ প্ৰদূষণ আঁতৰ হয় ৷ বিশেষজ্ঞসকলে কয় যে, ই শালমইনাও প্ৰতিৰোধ কৰে ৷ ২০০৭ চনত জাৰ্নেল অৱ ডাৰ্মাট’লজীত প্ৰকাশিত এক প্ৰতিবেদনত দেখা গৈছে যে, ৰাতি মুখ পৰিষ্কাৰ কৰিলে মলি, তেল আৰু মেকআপ আঁতৰ হয়, শালমইনাৰ ব্ৰেকআউট কম হয় আৰু ছালখন অধিক হাইড্ৰেটেড হয় ৷ উল্লেখ্য যে, এই গৱেষণাত মেয়’ ক্লিনিকৰ ছালৰ বিশেষজ্ঞ ডাঃ ডেভিদ পি ইলিয়ট, এম ডিয়ে অংশগ্ৰহণ কৰিছিল ৷
লগতে পঢ়ক:বয়স বৃদ্ধিৰ লগতে ছালৰ যত্নৰ বাবে মনত ৰাখক এই ৫টা নিয়ম - Skin Care Tips
