ব্যায়াম কৰিও ওজন কমাব পৰা নাই ? তেন্তে শৰীৰত হ’ব পাৰে এইবিধ বস্তুৰ অভাৱ

বহুতে নিয়মিতভাৱে ব্যায়াম কৰাৰ পিচতো তেওঁলোকৰ ওজন কমা দেখা নাযায় । যদি আপোনাৰ লগতো এনেকুৱা হৈছে তেন্তে আপোনাৰ শৰীৰতো হ’ব পাৰে এইবিধ বস্তুৰ অভাৱ ।

বহুতে নিয়মিতভাৱে ব্যায়াম কৰে যদিও ইয়াৰ পিচতো তেওঁলোকৰ ওজন নকমে ৷ যদি আপোনাৰ লগতো এনেকুৱা হৈছে তেন্তে হয়তো আপোনাৰ ‘স্কিনি জিন’ নাই ৷ শেহতীয়া এক অধ্যয়নত বিজ্ঞানীসকলে প্ৰকাশ কৰিছে যে কিছুমান বিশেষ ‘চৰ্বিহীন জিন’এ আমাৰ শৰীৰৰ ওজন কমাব পৰা ক্ষমতাত প্ৰভাৱ পেলায় ৷

এই অধ্যয়ন এচেক্স বিশ্ববিদ্যালয় আৰু এংলিয়া ৰাস্কিন বিশ্ববিদ্যালয়ৰ গৱেষকসকলে কৰিছিল ৷ গৱেষণাত তেওঁলোকে দেখিলে যে শৰীৰত ১৪টা বিশেষ জিন থাকে যিয়ে ওজন কমোৱা প্ৰক্ৰিয়াত প্ৰভাৱ পেলায় ৷ গৱেষকসকলে অনুমান কৰিছিল যে আঠ সপ্তাহৰ সহনশীলতা ভিত্তিক প্ৰশিক্ষণে শৰীৰৰ ভৰ হ্ৰাস কৰিব পাৰে, কিন্তু অংশগ্ৰহণকাৰীসকলৰ মাজত ওজন হ্ৰাসৰ হাৰ ভিন্ন হ’ব পাৰে, আৰু এই পাৰ্থক্য তেওঁলোকৰ জিনৰ বাবেই হ’ব পাৰে ৷

অধ্যয়নৰ ফলাফল

এই অধ্যয়নত ২৩ৰ পৰা ৪০ বছৰৰ ভিতৰৰ ৩৮ জন লোকক অন্তৰ্ভুক্ত কৰা হৈছিল ৷ তেওঁলোকক দুটা ভাগত ভাগ কৰা হৈছিল: এটা গোটক ব্যায়াম কৰিবলৈ কোৱা হৈছিল আৰু আনটো গোটক নিষ্ক্ৰিয় কৰি ৰখা হৈছিল ৷ ব্যায়ামৰ গোটটোৱে আঠ সপ্তাহ ধৰি সপ্তাহত ২০ৰ পৰা ৩০ মিনিট দৌৰিছিল ৷ এই সময়ছোৱাত তেওঁলোকৰ ওজন হ্ৰাস প্ৰক্ৰিয়া জুখিছিল ৷ এই অধ্যয়নৰ ফলাফলত দেখা গৈছে যে কিছুমান বিশেষ জিন থকা লোকৰ ওজন পাঁচ কিলোগ্ৰাম পৰ্যন্ত কম হয়, আনহাতে এই জিন নথকা লোকৰ ওজন মাত্ৰ দুই কিলোগ্ৰাম কমা দেখা যায় ৷ ইয়াত PPARGC1A জিনৰ কথা বিশেষভাৱে উল্লেখ কৰা হৈছিল, যিটো শৰীৰত শক্তি বিপাকীয় ক্ৰিয়াৰ সৈতে জড়িত ৷

ব্যক্তিগত দৃষ্টিকোণৰ প্ৰয়োজন

এই অধ্যয়নৰ পৰা দেখা গৈছে যে ওজন কমাবলৈ একে পদ্ধতিৰে সকলোৰে বাবে কাম নকৰিবও পাৰে ৷ প্ৰতিজন ব্যক্তিৰ শৰীৰৰ ধৰণ বেলেগ বেলেগ আৰু ব্যায়ামৰ ফলাফল নিৰ্ভৰ কৰে তেওঁলোকৰ জিনৰ ওপৰত ৷ কিন্তু ইয়াৰ অৰ্থ এইটো নহয় যে ওজন কমোৱাটো অসম্ভৱ, কিন্তু সঠিক ব্যায়াম আৰু জীৱনশৈলীৰ পৰিৱৰ্তন কৰি প্ৰতিজন ব্যক্তিয়ে নিজৰ ওজন কমোৱাৰ লক্ষ্যত উপনীত হ’ব পাৰে ৷

লগতে পঢ়ক:পুৱা নহয় সন্ধিয়া ব্যায়াম কৰিলেহে হ্ৰাস হয় ওজন...জানি লওক প্ৰকৃত সত্যতা - Weight Loss Myth And Facts