গৰমৰ বতৰ আৰম্ভ হোৱাৰ লগে লগে বজাৰত ফলৰ ৰজা আমৰ চাহিদা যথেষ্ট বৃদ্ধি পায় ৷ আমৰ পৰা বহু ধৰণৰ খাদ্য তৈয়াৰ কৰা হয় যদিও ইয়াৰ পৰা তৈয়াৰী মিল্কশ্বেক সকলোৱে খাবলৈ পচন্দ কৰে ৷ কিছুমান মানুহে গৰমৰ বতৰলৈ অপেক্ষা কৰে যাতে তেওঁলোকে সতেজ আমৰ পৰা তৈয়াৰী Mango Shake আৰু তাৰ পৰা তৈয়াৰী খাদ্যৰ সোৱাদ ল’ব পাৰে ৷ এফালে, আম খোৱাৰ বহু উপকাৰিতা আছে যদিও আনফালে দৈনিক আম খোৱাতো কেতিয়াবা হ’ব পাৰে ক্ষতিকাৰক ৷
গ্ৰীষ্মকালত আমৰ মিল্কশ্বেক আটাইতকৈ বেছি পচন্দ কৰা এবিধ পানীয় ৷ এই বতৰত আমৰ মিল্কশ্বেক খোৱাৰ এক নিজস্ব সুকীয়া আনন্দ আছে, হয়তো এই কাৰণেই মানুহে দৈনিক ইয়াক খাবলৈ আৰম্ভ কৰে ৷ কিন্তু দৈনিক আমৰ মিল্কশ্বেক খালে আপোনাৰ স্বাস্থ্যৰ ক্ষতিও কৰিব পাৰে ৷
আম খোৱাৰ ফলত এইবোৰ স্বাস্থ্যৰ ক্ষতি হয়
১) পেটত গৰম বাঢ়িব পাৰে
গ্ৰীষ্মকালত প্ৰতিদিনে আম খোৱাৰ ফলত পেটত গৰম বৃদ্ধি পাব পাৰে ৷ আচলতে আম গৰম প্ৰকৃতিৰ, যাৰ বাবে ই পেটৰ সমস্যাৰ সৃষ্টি কৰিব পাৰে ৷ কেৱল এয়াই নহয়, ই আপোনাৰ শৰীৰত পাচনতন্ত্ৰৰ সমস্যাও সৃষ্টি কৰিব পাৰে ৷
২) পেট ফুলা, পেটৰ বিষৰ সমস্যা
আমত প্ৰচুৰ পৰিমাণে আঁহ থাকে যাৰ বাবে আপোনাৰ পাচন ক্ৰিয়াত অসুবিধাৰ সৃষ্টি হ’ব পাৰে ৷ ইয়াৰ বাবে পেট ফুলা আৰু গেষ্ট্ৰাইটিছৰ সমস্যাও হ’ব পাৰে ৷
৩) ৰক্তশৰ্কৰাৰ মাত্ৰা বৃদ্ধি
আমত প্ৰচুৰ পৰিমানে প্ৰাকৃতিক চেনি থাকে, যাৰ বাবে আমৰ মিল্কশ্বেক বেছিকৈ সেৱন কৰিলে স্বাস্থ্যৰ ক্ষতি কৰিব পাৰে ৷ সেয়ে ডায়েবেটিছ ৰোগীয়ে প্ৰতিদিনে আম খোৱাৰ পৰা বিৰত থাকিব লাগে ৷
৪) কেলৰি গ্ৰহণ
আমৰ মিল্কশ্বেকত কেলৰি প্ৰচুৰ পৰিমাণে থাকে ৷ ইয়াত চেনি আৰু চৰ্বি দুয়োটা পোৱা যায় ৷ প্ৰয়োজনতকৈ বেছিকৈ আমৰ মিল্কশ্বেক খালে ওজনো বৃদ্ধি পাব পাৰে ৷ যদি আপুনি ওজন হ্ৰাসৰ যাত্ৰাত আছে, তেন্তে আমৰ মিল্কশ্বেক বা আমৰ পৰা তৈয়াৰী যিকোনো ব্যঞ্জন নাখাব ৷
সতৰ্কীকৰণ:প্ৰিয় পাঠক, আমাৰ প্ৰতিবেদন পঢ়াৰ বাবে ধন্যবাদ । এই খবৰটো কেৱল আপোনালোকক সজাগ কৰাৰ উদ্দেশ্যে লিখা হৈছে । আমি এই প্ৰতিবেদনত ঘৰুৱা উপায় আৰু সাধাৰণ তথ্যৰ সহায় লৈছো । কিন্তু প্ৰিয় পাঠক, যদি আপুনি যিকোনো বাতৰিতে স্বাস্থ্যৰ সৈতে জড়িত কিবা পঢ়ে, তেন্তে এই পদ্ধতি গ্ৰহণ কৰাৰ আগতে নিশ্চিতভাৱে চিকিৎসকৰ পৰামৰ্শ ল’বলৈ নাপাহৰিব ।
লগতে পঢ়ক:আম নকটাকৈয়ে কেনেকৈ জানিব পকা নে কেঁচা ? জানি লওক এই টিপছ - MANGO PURCHASING TIPS
