পুৱাৰ আহাৰ আমাৰ দিনটোৰ প্ৰথম আৰু আটাইতকৈ গুৰুত্বপূৰ্ণ আহাৰ । সেয়ে ব্ৰেকফাষ্টত স্বাস্থ্যকৰ বস্তু অন্তৰ্ভুক্ত কৰাটো খুবেই জৰুৰী । কিন্তু পুৱা খালী পেটত প্ৰতিটো স্বাস্থ্যকৰ বস্তু উপকাৰী হোৱাটো জৰুৰী নহয় । ব্ৰেকফাষ্টত কি খাব লাগে আৰু কি কি পৰিহাৰ কৰিব লাগে সেই বিষয়ে জনাটো খুবেই জৰুৰী ।
হৃদযন্ত্ৰ, হাওঁফাওঁ, খাদ্যনলী আৰু টেষ্ট চাৰ্জন হিচাপে কৰ্মৰত অভিনেত্ৰী মাধুৰী দীক্ষিতৰ স্বামী ডাঃ নেনে প্ৰায়ে ছ’চিয়েল মিডিয়াত এটি ভিডিঅ’ শ্বেয়াৰ কৰে । য’ত চিকিৎসকগৰাকীয়ে জীৱনশৈলী আৰু খাদ্যাভ্যাসৰ সৈতে জড়িত তথ্য মানুহৰ সৈতে ভাগ-বতৰা কৰে । এটা ভিডিঅ’ত চিকিৎসক নেনেই এনেবোৰ খাদ্যৰ বিষয়ে উল্লেখ কৰিছে যিসমূহ আমি আমাৰ ব্ৰেকফাষ্টত খোৱাটো পৰিহাৰ কৰা উচিত । এইবোৰ বস্তুবোৰ পুৱাৰ ভাগত গ্ৰহণ কৰিলে পেটৰ বাবে কোনো বিহতকৈও কম নহয় । জানো আহক ব্ৰেকফাষ্টত আমি কোনবোৰ খাদ্য খাব নালাগে ৷
ব্ৰেকফাষ্টত কি কি খাব নালাগে ?
বগা পাও ৰুটি- বেছিভাগ মানুহেই ব্ৰেকফাষ্টত বগা ৰুটি আৰু মাখন খায়, যিটো স্বাস্থ্যৰ বাবে অতি ক্ষতিকাৰক । বগা পাও ৰুটি পৰিশোধিত আটাৰ পৰা তৈয়াৰ কৰা হয় আৰু নিম্নমানৰ কাৰ্বৰে প্ৰক্ৰিয়াকৰণ কৰা হয় । বগা পাও ৰুটি খালে ৰক্ত শৰ্কৰা বৃদ্ধি হোৱাৰ আশংকা থাকে । এই ৰুটিবোৰে মেদবহুলতা বৃদ্ধি কৰাৰ লগতে হৃদৰোগৰ আশংকা সৃষ্টি কৰে । যদি আপুনিও ৰুটি খায় তেন্তে তৎক্ষণাত বন্ধ কৰক ।