মানুহৰ মাজত মাজত তেজৰ অভাৱ অৰ্থাৎ ‘এনিমিয়া’ৰ সমস্যা ক্ৰমাগতভাৱে বৃদ্ধি পাইছে ৷ ইয়াৰ মূল কাৰণ মানুহৰ জীৱনশৈলী আৰু খাদ্যাভ্যাস ৷ বিশেষকৈ মহিলাৰ ক্ষেত্ৰত এই সমস্যা দেখা যায় ৷ যদি কাৰোবাৰ শৰীৰত হিম’গ্লবিনৰ মাত্ৰা কমি যায় তেন্তে ৰক্তহীনতা বা তেজৰ অভাৱজনিত ৰোগ হ’ব পাৰে ৷ এনে পৰিস্থিতিত ইয়াৰ প্ৰতি গুৰুত্ব নিদিলে ভৱিষ্যতে ভয়াৱহ সমস্যাৰ সৃষ্টি কৰিব পাৰে ৷
কিন্তু সঠিক সময়ত চিনাক্ত হ’লে এই সমস্যাবোৰৰ পৰা হাত সাৰিব পৰা যায় ৷ ৰক্তহীনতা চিনাক্ত কৰিবলৈ ইয়াৰ লক্ষণসমূহ চিনাক্ত কৰাটো গুৰুত্বপূৰ্ণ ৷ এনে পৰিস্থিতিত আজি আমি আপোনালোকক ৰক্তহীনতাৰ ফলত শৰীৰত দেখা পোৱা কিছুমান লক্ষণৰ বিষয়ে জনাবলৈ ওলাইছো ৷ এইবোৰৰ সহায়ত আপুনি চিনাক্ত কৰিব পাৰে যে আপোনাৰ শৰীৰত তেজৰ অভাৱ আছে নে নাই ৷
ৰক্তহীনতাৰ লক্ষণ
- তেজৰ অভাৱৰ বাবে আপুনি ভাগৰুৱা আৰু দুৰ্বল অনুভৱ কৰিব পাৰে ৷
- ইয়াৰ বাহিৰেও যদি আপোনাৰ ৰক্তহীনতা হয় তেন্তে আপোনাৰ উশাহ-নিশাহ লোৱাত অসুবিধা হ’ব পাৰে ৷
- মানসিক চাপ আৰু খিংখিঙীয়া অনুভৱ কৰাটোও ৰক্তহীনতাৰ লক্ষণ হ’ব পাৰে ৷
- তেজৰ অভাৱত ছালৰ ৰং হালধীয়া হৈ পৰে ৷
- ইয়াৰ উপৰিও তেজৰ অভাৱত মূৰৰ বিষো আৰম্ভ হয় ৷
- তেজৰ অভাৱত মূৰ ঘূৰাব পাৰে ৷
- তেজ নোহোৱাৰ বাবে বুকুৰ বিষ অনুভৱ কৰিব পাৰে ৷
- ইয়াৰ উপৰিও তেজৰ অভাৱত টোপনি নাহে আৰু চুলিও সৰিবলৈ আৰম্ভ কৰে ৷
ঝাৰখণ্ডৰ ৰাঞ্চিৰ ৰাজেন্দ্ৰ চিকিৎসা মহাবিদ্যালয়ৰ স্নায়ু আৰু মেৰুদণ্ডৰ অস্ত্ৰোপচাৰ বিশেষজ্ঞ তথা ফেডাৰেচন অৱ ৰেচিডেণ্ট ডাক্তৰ এছ’চিয়েশ্যনৰ ৰাষ্ট্ৰীয় মুখ্য উপদেষ্টা ডাঃ বিকাশ কুমাৰৰ মতে শৰীৰত তেজ বা হিম’গ্লবিনৰ অভাৱত তলত দিয়া লক্ষণসমূহ দেখা দিবলৈ আৰম্ভ কৰে ৷
ডাঃ বিকাশ কুমাৰৰ মতে, তেজৰ অভাৱত চকুৰ ভিতৰৰ তলৰ অংশ বগা, কম ৰঙা বা হালধীয়া হৈ পৰে ৷ যদি কোনো ব্যক্তিৰ ৰক্তহীনতাৰ লক্ষণ দেখা যায়, তেন্তে প্ৰথমে তেওঁ চিবিচি ব্লাড টেষ্ট বা হিম’গ্লবিন টেষ্ট কৰাব লাগে ৷