আমি আমাৰ খাদ্যত বহুতো বস্তু অন্তৰ্ভুক্ত কৰি পাচনতন্ত্ৰ সবল কৰি ৰাখোঁ ৷ কেতিয়াবা ত্ৰিফলা গুড়ি, কেতিয়াবা হিং গুড়ি, গেছৰ ঔষধ বা আন যিকোনো গুড়ি, ভাল হজমৰ বাবে যিয়েই পৰামৰ্শ দিয়া হয়, মানুহে লগে লগে চেষ্টা কৰে ৷ কিন্তু বহু সময়ত সকলো প্ৰতিকাৰ অৱলম্বন কৰাৰ পিচতো হজম শক্তিৰ লগত জড়িত সমস্যাবোৰৰ পৰা কোনো সমাধান পোৱা নাযায় ৷ এনে পৰিস্থিতিত ঘিউৰ কফি আপোনাৰ বাবে উপযোগী হ’ব পাৰে ৷ ঘিউৰ লগত কফি মিহলি কৰি খালে আমাৰ বহু উপকাৰিতা সাধন হয় ৷
কফিত কেফেইন থাকে, কিন্তু ইয়াৰ লগত দেশী ঘিউৰ সংমিশ্ৰণ অতি উপকাৰী বুলি প্ৰমাণিত হয়, কাৰণ দেশী ঘিউত ভিটামিন এ, ডি আৰু কে প্ৰচুৰ পৰিমাণে পোৱা যায়, লগতে কেলচিয়াম, ফছফৰাছ আৰু আইৰণ থাকে, যিটো অতি স্বাস্থ্যকৰ ৷ ইয়াৰ উপৰিও ই বহুতো ঔষধি গুণেৰে সমৃদ্ধ আৰু লগতে আমাৰ ৰোগ প্ৰতিৰোধ ক্ষমতাও শক্তিশালী কৰে ৷
শৰীৰত শক্তিৰ পৰিমান বৃদ্ধি পায়
ঘিউত থকা চৰ্বি আৰু কেফেইনত পোৱা এমচিটি (মধ্যমীয়া ট্ৰাইগ্লিচাৰাইড) একেলগে এক উত্তম সংমিশ্ৰণ ঘটায় ৷ এনে পৰিস্থিতিত ঘিউৰ সৈতে কফি খালে দীৰ্ঘসময়লৈকে শক্তিৰ অনুভৱ হয় ৷
মানসিক স্বাস্থ্য উন্নত কৰা
কফিত দেশী ঘিউ যোগ কৰিলে মনত শান্তিৰ অনুভৱ হয়, যাৰ ফলত আমাৰ মানসিক স্বাস্থ্যৰ ওপৰত তাৎক্ষণিক প্ৰভাৱ পৰে আৰু আমাৰ মানসিক স্বাস্থ্য উন্নত কৰাত সহায় কৰে ৷
উন্নত পুষ্টি লাভ কৰক