চিটাৰা ডেস্ক, ১৯ ফেব্ৰুৱাৰী: সোমবাৰে নিৰ্মাতাই মুকলি কৰিলে সিদ্ধাৰ্থ মালহোত্ৰাৰ আগন্তুক চিনেমা ‘যোদ্ধা’ৰ টিজাৰ । ‘শ্বেৰশ্বাহ’ আৰু ‘ইণ্ডিয়ান পুলিচ ফ’ৰ্চ’ত সেনাৰ চৰিত্ৰত অভিনয় কৰাৰ পিচত পুনৰ এই ছবিখনত সিদ্ধাৰ্থ মালহোত্ৰাক সেনাৰ ৰূপত দেখা যাব ৷ কৰণ জোহৰৰ ধৰ্মা প্ৰডাকশ্যনৰ বেনাৰত নিৰ্মিত যোদ্ধা ছবিখন পৰিচালনা কৰিছে সাগৰ আম্ব্ৰে আৰু পুষ্কৰ ওঝাই ৷ ছবিখনত সিদ্ধাৰ্থক বিমান হাইজেকাৰক বিফল কৰাৰ অভিযানত থকা জোৱান হিচাপে দেখা যাব ।
যোদ্ধাৰ টিজাৰৰ পৰা অনুমান কৰিব পাৰি যে চিনেমাখন একশ্যন আৰু দেশপ্ৰেমেৰে ভৰপূৰ হ’ব ৷ যোদ্ধা ছবিখনত এখন যাত্ৰীবাহী বিমান অপহৰণ কৰা সন্ত্ৰাসবাদীক কেন্দ্ৰ কৰি নিৰ্মাণ কৰা হৈছে ৷ ইয়াত সিদ্ধাৰ্থই হাইজেকাৰৰ বিৰুদ্ধে যুঁজ দিয়া এজন সৈনিকৰ চৰিত্ৰত অভিনয় কৰিছে, য’ত তেওঁ হাইজেকাৰক পৰাস্ত কৰাৰ কৌশল ৰচনা কৰে আৰু যাত্ৰীসকলক সুৰক্ষিতভাৱে হাইজেকাৰৰ পৰা ৰক্ষা কৰিবলৈ সক্ষম হয় ।
ইয়াৰ পূৰ্বে সিদ্ধাৰ্থই যোদ্ধা সন্দৰ্ভত নিজৰ মতামত ব্যক্ত কৰি কৈছিল, "এজন শিল্পী হিচাপে আপুনি সদায় এনেকুৱা চিত্ৰনাট্য বিচাৰে যিয়ে আপোনাক উজলিবলৈ অনুমতি দিয়ে । এই প্ৰজেক্টটোৱে মোৰ এটা নতুন দিশ মুকলি কৰিছে, যাৰ বাবে মই গভীৰভাৱে কৃতজ্ঞ । দৰ্শক আৰু অনুৰাগীৰ পৰা পোৱা মৰমে মোক আপ্লুত কৰিছে ।’’