হায়দৰাবাদ : ছানী লিয়নী বিবাহপাশত আবদ্ধ হোৱা ১৩ বছৰ হ’ল ৷ এতিয়া পুনৰবাৰ বিয়াত বহিছে অভিনেত্ৰী তথা মডেলগৰাকী ৷ ডেনিয়েল ৱেবাৰৰ সৈতে তেওঁৰ আছে তিনিটিকৈ সন্তান ৷ ছ’চিয়েল মিডিয়াত সুখী বিবাহিত জীৱনৰ বিভিন্ন মুহূৰ্ত ছানী লিয়নীয়ে অনুৰাগীৰ সৈতে শ্বেয়াৰ কৰিয়ে থাকে ৷ শেহতীয়াকৈ তেওঁ নিজৰ বিয়াৰ ফটো অনুৰাগীৰ সৈতে শ্বেয়াৰ কৰিছে ৷
পিছে দৰা কোন ?
দৰা আন কোনো নহয়, ডেনিয়েল ৱেবাৰেই । ছানীয়ে আকৌ এবাৰ ডেনিয়েলৰ সৈতে বিয়াত বহে । অক্টোবৰৰ ৩১ তাৰিখে তেওঁলোকে মালদ্বীপত এক অন্তৰংগ অনুষ্ঠানত তেওঁলোকৰ বিবাহিত জীৱনৰ এক নতুন অধ্যায় আৰম্ভ কৰে । বিয়াখনৰ সাক্ষী হৈ ৰয় তেওঁলোকৰ তিনি সন্তান নিশা, নোৱা আৰু আশ্বাৰ ৷
আজিৰ দিনটোত ছানীয়ে ছ'চিয়েল মিডিয়াত তেওঁলোকৰ বিয়াৰ দুখন ফটো শ্বেয়াৰ কৰে । নীলা সাগৰৰ পাৰত বগা গাউন পিন্ধা ছানীক পৰীৰ দৰে দেখা গৈছে । ডেনিয়েল আৰু সন্তান কেইটাই বগা পোছাক পৰিধান কৰে ।
ফটো শ্বেয়াৰ কৰি ছানীয়ে লিখে, “প্ৰথমবাৰৰ বাবে আমি বিবাহ পাশত আৱদ্ধ হৈছিলোঁ ঈশ্বৰ, পৰিয়াল আৰু বন্ধুবৰ্গৰ মাজত । এইবাৰ আমি বিয়া পাতিছো য’ত আমাৰ পৰিয়ালৰ মাত্ৰ পাঁচজন সদস্য আছে ৷ তুমি এতিয়াও মোৰ জীৱনৰ প্ৰেম । আৰু চিৰকালৰ বাবে মোৰ হৈ থাকিবা ।”
অনুৰাগীসকলে পোষ্টটো পোহৰলৈ অহাৰ পিছত ছানী আৰু ডেনিয়েলক অভিনন্দন জনাইছে । সংবাদ মাধ্যমৰ বাতৰি অনুসৰি, ছানী আৰু ডেনিয়েলে পুনৰ বিবাহ পাশত আৱদ্ধ হ’ব বিচাৰিছিল ৷
লগতে পঢ়ক :মিথুন চক্ৰৱৰ্তীৰ প্ৰথমা পত্নীৰ মৃত্যু
