চিটাৰা ডেস্ক, 24 আগষ্ট :ইনষ্টাগ্ৰামৰ অনুসৰণকাৰীৰ বাবে চৰ্চাত আছে শ্ৰদ্ধা কাপুৰ । ইনষ্টাগ্ৰামত সৰ্বাধিক ফ’ল’ কৰা ভাৰতীয় অভিনেত্ৰী হিচাপে পৰিগণিত হৈছে শ্ৰদ্ধা কাপুৰ । ক্ৰিকেটাৰ বিৰাট কোহলীৰ পিচত শ্ৰদ্ধা কাপুৰৰ ইনষ্টাগ্ৰামত সৰ্বাধিক ফ’ল’ৱাৰ আছে । এই প্ৰতিবেদনত চাও আহক মোদী আৰু প্ৰিয়ংকা চোপ্ৰাৰ সৈতে কোন কোন অভিনেত্ৰীক ইনষ্টাগ্ৰাম ফ’ল’ৱাৰৰ দৌৰত পিছ পেলালে শ্ৰদ্ধা কাপুৰে ৷
বলীউডৰ 'স্ত্ৰী' শ্ৰদ্ধা কাপুৰে আজিকালি তেওঁৰ ভৌতিক কৌতুক চলচ্চিত্ৰ 'স্ত্ৰী 2'ৰ সফলতাৰ সোৱাদ লৈ আছে । স্ত্ৰী 2 য়ে বিশ্বব্যাপী বক্স অফিচত 400 কোটি টকাৰ সীমা অতিক্ৰম কৰিছে । একে সময়তে, ভাৰতীয় চলচ্চিত্ৰৰ ঘৰুৱা বক্স অফিচত দ্ৰুততম 300 কোটি টকা উপাৰ্জন কৰা 'স্ত্ৰী 2' পঞ্চম খন ছবি হৈ পৰিছে ।
কেৱল 'স্ত্ৰী 2' নহয়, এই ছবিখনৰ মুখ্য অভিনেত্ৰী শ্ৰদ্ধা কাপুৰেও প্ৰতিদিনে নতুন অভিলেখ গঢ়ি আছে । আচলতে শ্ৰদ্ধা কাপুৰে ছ’চিয়েল মিডিয়া জগতখনত আলোড়নৰ সৃষ্টি কৰিছে । ইনষ্টাগ্ৰামত ভাৰতৰ সৰ্বাধিক ফ’ল’ কৰা অভিনেত্ৰী হিচাপে পৰিগণিত হৈছে শ্ৰদ্ধা কাপুৰ । এই তালিকাত বলীউডৰ ‘দেশী গাৰ্ল’ প্ৰিয়ংকা চোপ্ৰাৰ ঠিক পিচতে আছিল শ্ৰদ্ধা কাপুৰ ।
প্ৰিয়ংকা চোপ্ৰাৰ ইনষ্টাগ্ৰামত 9 কোটি 18 লাখ অনুৰাগী আছে । এতিয়া শ্ৰদ্ধা কাপুৰে ইনষ্টাগ্ৰামত সৰ্বাধিক অনুসৰণ কৰা অভিনেত্ৰীৰ টেগ লাভ কৰিছে । শেহতীয়াকৈ শ্ৰদ্ধা কাপুৰে দেশৰ প্ৰধানমন্ত্ৰী নৰেন্দ্ৰ মোদীক ইনষ্টাগ্ৰাম ফ’ল’ৱাৰৰ তালিকাত পিছ পেলাইছিল ।
- ইনষ্টাগ্ৰামত কোন তাৰকাৰ কিমান ফ’লৱাৰ আছে জানো আহক-
- শ্ৰদ্ধা কাপুৰ – 91.9 নিযুত
- প্ৰিয়ংকা চোপ্ৰা- 91.8 নিযুত
- নৰেন্দ্ৰ মোদী – 91.3 নিযুত
- আলিয়া ভাট – 85.1 নিযুত
- কেটৰিনা কাইফ – 80.4 নিযুত
- দীপিকা পাডুকোন – 79.8 নিযুত
- তাৰকা ক্ৰিকেটাৰ বিৰাট কোহলী 270 নিযুত (ভাৰতত সৰ্বাধিক)
- তাৰকা ফুটবল খেলুৱৈ ক্ৰিষ্টিয়ানো ৰোনাল্ডো 636 নিযুত (বিশ্বৰ সৰ্বাধিক)
শ্ৰদ্ধা কাপুৰ আৰু ৰাজকুমাৰ ৰাও অভিনীত ভৌতিক কৌতুক ছবি 'স্ত্ৰী 2' য়ে যোৱা 8 দিন ধৰি বক্স অফিচত আলোড়নৰ সৃষ্টি কৰিছে । 'স্ত্ৰী 2' বোলছবিখনে এই আঠ দিনত বক্স অফিচত 400 কোটিতকৈও অধিক উপাৰ্জন কৰিছে । 'স্ত্ৰী 2' 15 আগষ্টত মুক্তি দিয়া হৈছিল ।
'স্ত্ৰী 2'ৰ লগতে জন আব্ৰাহামৰ একশ্যন ড্ৰামা 'বেদা' আৰু অক্ষয় কুমাৰ, ফাৰদিন খান, আদিত্য শীল, এমি ভিৰ্ক, প্ৰজ্ঞা জয়ছোৱাল, বাণী কাপুৰ আৰু তাপসী পন্নু অভিনীত কমেডি ড্ৰামা ছবি 'খেল-খেল মে'ও মুক্তি দিয়া হৈছিল । 'পিছে 'বেদা' আৰু 'খেল-খেল মে'ৰ সন্মুখত স্ত্ৰী 2 বাধা হৈ পৰে ।
লগতে পঢ়ক :বিশ্বজুৰি বক্স অফিচত 400 কোটি টকাৰ মাৰ্ক অতিক্ৰম কৰিছে স্ত্ৰী 2 এ - Shraddha Rajkummar movie collection
