প্ৰেমত বিবাহ বিচ্ছেদৰ দুখো সোনকালেই পাহৰি গ’ল নাগা চৈতন্যই - Naga Chaitanya instagram

Naga Chaitanya and Sobhita Dhulipala : বন্ধৰ দিন একেলগে অতিবাহিত কৰিছে প্ৰেমৰ বাতৰিৰে চৰ্চাত থকা অভিনেতা নাগা চৈতন্য আৰু অভিনেত্ৰী শোভিতা ধুলিপালাই ৷ সামান্থাৰ সৈতে ডিভোৰ্চ হোৱাৰ পূৰ্বৰে পৰাই নাগাৰ সৈতে নাম সাঙোৰ খাই আছে শোভিতাৰ ৷ সবিশেষ আগলৈ-

চিটাৰা ডেস্ক, 24 এপ্ৰিল :দক্ষিণৰ তাৰকা নাগা চৈতন্যই আকৌ এবাৰ বাতৰিৰ শিৰোনামা দখল কৰিছে । দক্ষিণৰ অভিনেত্ৰী সামন্থা ৰুথ প্ৰভূৰ সৈতে বিবাহ বিচ্ছেদ হোৱাৰ পিচত দক্ষিণৰ সুন্দৰী শোভিতা ধূলিপালাৰ সৈতে সংবাদ মাধ্যমৰ শিৰোনাম দখল কৰি আহিছে নাগাই । অৱশ্যে বিবাহ বিচ্ছেদ হোৱাৰ পূৰ্বৰে পৰাই নাগা-শোভিতা দুয়োৰে মাজত চিনা-পৰিচয় আছিল ৷ বহুতে শোভিতাৰ বাবেই নাগা-সামান্থাৰ সম্পৰ্কত ফাঁট মেলে বুলি ক’ব খোজে ৷

শেহতীয়াকৈ শোভিতা আৰু চৈতন্যই একেলগে সময় পাৰ কৰি আছে বুলি জানিব পৰা গৈছে ৷ এখন ছবি পোহৰলৈ আহিছে । কাষ্টডি অভিনেতাগৰাকীয়ে ছ’চিয়েল মিডিয়াত এখন ছবি শ্বেয়াৰ কৰিছে । এই ছবিখনত অভিনেতাজনে জীপত বহি ৰ’দৰ পোহৰ উপভোগ কৰি থকা দেখিবলৈ পোৱা গৈছে । নাগাই পিন্ধিছে বগা টি-চাৰ্ট আৰু ডেনিম জিন্স । এই লুকটোত অভিনেতাজনৰ ডেপাৰ ষ্টাইল দেখা গৈছে ।

মন কৰিবলগীয়া যে নাগাৰ এদিন আগতে শোভিতাই বন্ধ দিন কটোৱাৰ ছবি শ্বেয়াৰ কৰিছিল । শোভিতাই কেবাখনো ছবি শ্বেয়াৰ কৰিছে ৷ অভিনেত্ৰীগৰাকীয়ে বন্যপ্ৰাণী উপভোগ কৰি থকা দেখিবলৈ পোৱা গৈছে । এখন ছবিত শোভিতাকো নাগাৰ দৰে জীপত বহি থকা দেখা গৈছে ৷

একলগেই ফুৰিবলৈ গ’ল নেকি দুয়ো ?

এতিয়া ছ’চিয়েল মিডিয়াত নাগা-শোভিতাক লৈ চৰ্চা চলিছে যে তেওঁলোক ছুটীত আছে আৰু তাকো একেলগে । বিগত বছৰৰ আৰম্ভণিতে নাগাৰ নতুন ঘৰত একেলগে দেখা গৈছিল শোভিতাক । দুয়োজনে ইজনে সিজনৰ সংগ উপভোগ কৰি আছিল । দুয়োজনে এতিয়াও নিজৰ সম্পৰ্কৰ বিষয়ে মুকলিকৈ প্ৰকাশ কৰা নাই । ইয়াৰ পূৰ্বে দুয়োৰে বিদেশৰ ভ্ৰমণৰ ছবিও পোহৰলৈ আহিছিল ।

নাগাই ২০১৭ চনত সামান্থাক বিয়া কৰাইছিল আৰু ২০২১ চনত তেওঁলোকে ছ’চিয়েল মিডিয়াত বিবাহ বিচ্ছেদৰ কথা ঘোষণা কৰিছিল ।

লগতে পঢ়ক :অমৰজোত কৌৰৰ ওপৰত মন্তব্য পৰিণীতিৰ; সামাজিক মাধ্য়মত ট্ৰ’ল - PARINEETI CHOPRA