চিটাৰা ডেস্ক, 10 ফেব্ৰুৱাৰী: কলকাতাত শ্বুটিঙৰ সময়ত হঠাৎ অসুস্থ হৈ পৰে মিঠুন চক্ৰৱৰ্তী । ইয়াৰ পিছতে তেওঁক বাইপাছৰ জৰিয়তে ব্যক্তিগত চিকিৎসালয়লৈ লৈ প্ৰেৰণ কৰা হয় । চিকিৎসালয়ত অভিনেতাগৰাকীৰ কেইবাটাও শাৰীৰিক পৰীক্ষা কৰোৱাৰ লগতে তেওঁক বিশেষজ্ঞ চিকিৎসকৰ অহৰহ নিৰীক্ষণত ৰখা হৈছে ।
জনাই দিও যে, কলকাতাত ‘শাস্ত্ৰী’ ছবিৰ শ্বুটিঙত ব্যস্ত আছিল জ্যেষ্ঠ অভিনেতাগৰাকী । পাথিকৃত বসুৰ দ্বাৰা পৰিচালিত ছবিখনৰ শ্বুটিং স্থলীতে হঠাৎ অভিনেতাগৰাকী অসুস্থ হৈ পৰে ।
সূত্ৰ অনুসৰি ৰাষ্ট্ৰীয় বঁটা বিজয়ী অভিনেতাগৰাকী শুকুৰবাৰে নিশাৰ পৰা শাৰীৰিক সমস্যাত ভুগি আছিলে । ইয়াৰ পিছত শনিবাৰে পুৱা তেওঁক বাইপাছৰ এখন ব্যক্তিগত চিকিৎসালয়লৈ লৈ প্ৰেৰণ কৰা হয় । খবৰ অনুসৰি তেওঁক স্নায়ু বিশেষজ্ঞ সঞ্জয় ভৌমিকৰ তত্বাৱধানত ভৰ্তি কৰোৱা হৈছে । চিকিৎসালয়ৰ সূত্ৰ অনুসৰি অভিনেতাগৰাকীক ব্ৰেইন ষ্ট্ৰ’ক (Acute Stroke) হোৱাৰ বাবে ভৰ্তি কৰোৱা হৈছিল ।
কোনো ধৰণৰ বক্তব্য প্ৰদান কৰা নাই পৰিয়ালে