চিটাৰা ডেস্ক :বিয়াৰ পাছৰ অবৈধ সম্পৰ্ক, যৌতুকৰ বাবে মাৰপিট, যুগ্ম জীৱনৰ যাত্ৰাত আধা বাটতে এৰি দিয়া, বিবাহ বিচ্ছেদ আদিৰ দৰে ঘটনাৰ মাজতো কিন্তু জীয়াই আছে সঁচা প্ৰেম ৷ এতিয়াও নিস্বাৰ্থভাৱে ভালপোৱাজনে সাধ্যানুসাৰি সকলোখিনি কৰিব বিচাৰে নিজৰ সংগীজনৰ কাৰণে ৷ প্ৰেমিক যুগল নতুবা স্বামী-স্ত্ৰীয়ে ভিন্ন ধৰণে নিজৰ প্ৰেম উদযাপন কৰে ৷ বহু তেনেকুৱা উৎসৱেই আছে আমাৰ মাজত ৷ তাৰ মাজতে এটা উৎসৱ হ’ল কৰৱা চৌথ ৷
অতীজৰে পৰা পত্নীসকলে স্বামীৰ দীৰ্ঘায়ু কামনা কৰি কৰৱা চৌথৰ উপবাস ৰাখে । প্ৰতিবছৰে সমগ্ৰ দেশতে কৰৱা চৌথ অতি আড়ম্বৰেৰে পালন কৰা হয় ৷ এই উৎসৱৰ কথা পাতিলেই বলীউডৰ কথা এৰি দিব নোৱাৰি ৷ চলচ্চিত্ৰ জগতৰ চেলেব্ৰিটী অবিহনে যেন এই উৎসৱ কল্পনাহীন । কাৰণ কৰবা চৌথ কেনেকৈ উদযাপন কৰিব, কি পিন্ধিব, কি ট্ৰেণ্ডত আছে তাৰ প্ৰেৰণা বেছিভাগেই বলীউডৰ তাৰকাসকলৰ পৰাই আহে ।
পিছে এইবাৰ আমি আপোনালোকক এনে এটা ট্ৰেণ্ডৰ বিষয়ে ক’ম যিটো সম্পূৰ্ণ বেলেগ । বলীউডৰ বহু অভিনেত্ৰী পত্নীৰ বাবে স্বামীয়ে ৰাখে উপবাস । বিকী কৌশলৰ পৰা আৰম্ভ কৰি বিৰাট কোহলীলৈকে এই তালিকাত এনে বহু নাম আছে যিয়ে নিজৰ পত্নীৰ দীৰ্ঘায়ু কামনা কৰি বাবে উপবাস ৰাখে ।
বিকী কৌশল
কোটি কোটি লোকে বলীউডৰ আকৰ্ষণীয় দম্পতী কেটৰিণা কাইফ আৰু বিকী কৌশলক অনুসৰণ কৰে আৰু দুয়োগৰাকী তাৰকাই বহুতৰে প্ৰিয় । প্ৰিয় বাবেই অনুৰাগীসকলে ইজনে সিজনৰ বাবে যি কৰে তাক অনুসৰণ কৰে । উল্লেখ্য যে, কেটৰিণাৰ লগতে বিকীয়েও কৰৱা চৌথৰ উপবাস ৰাখে ।
বিৰাট কোহলী
বিৰাট কোহলী আৰু অনুষ্কা শৰ্মাৰ যুটি লাখ লাখ মানুহৰ বাবে আদৰ্শ । বিৰাট কোহলীয়েও অনুষ্কাৰ বাবে কৰৱা চৌথৰ উপবাস ৰাখে ।
আয়ুষ্মান খুৰানা