চিটাৰা ডেস্ক, 10 জুলাই : অহা ১২ জুলাইত কমল হাছান অভিনীত ইণ্ডিয়ান ২ ছবিখন ছবিগৃহত মুক্তি লাভ কৰাৰ কথা । কিন্তু সমৰ কলা বিশেষজ্ঞ আছান ৰাজেন্দ্ৰনে চিনেমাখনৰ মুক্তি নিষিদ্ধ কৰাৰ বাবে গোচৰ তৰিছে ।
শংকৰৰ পৰিচালনা আৰু কমল হাছানে মুখ্য চৰিত্ৰত অভিনয় কৰা বহু প্ৰত্যাশিত ছবি ইণ্ডিয়ান ২ ১২ জুলাইত ৰূপালী পৰ্দাত মুক্তি পাবলৈ সাজু হোৱাৰ সময়তে আইনী বাধাৰ সন্মুখীন হৈছে । কেৰালাৰ প্ৰখ্যাত সমৰ কলাৰ প্ৰশিক্ষক আছান ৰাজেন্দ্ৰনে ছবিখনৰ বিৰুদ্ধে গোচৰ তৰিছে ৷ ছবিগৃহ আৰু অনলাইন প্লেটফৰ্ম দুয়োটাতে ছবিখনৰ মুক্তিৰ ওপৰত নিষেধাজ্ঞা আৰোপ কৰিবলৈ বিচাৰিছে তেওঁ ।
মাদুৰাইৰ এইচ এম এছ কলনীত বৰ্মা কলাই (কেৰালাৰ এটা যুদ্ধ কলা,Varma Kalai) শিকোৱা ৰাজেন্দ্ৰনে দাবী কৰে যে ১৯৯৬ চনত মুক্তি পোৱা মূল ছবি ইণ্ডিয়ানৰ বাবে তেওঁ কমল হাছানক যুদ্ধ কলাৰ প্ৰশিক্ষণ দিছিল । তেওঁ অভিযোগ কৰে যে তেওঁ হাছানক শিকোৱা কৌশলসমূহ তেওঁৰ অনুমতি অবিহনে ছিকুৱেলত ব্যৱহাৰ কৰা হৈছে । তেওঁৰ আৱেদনত ৰাজেন্দ্ৰনে তেওঁৰ কৌশল ব্যৱহাৰ কৰাৰ বাবে ছবি নিৰ্মাতাসকলে তেওঁৰ সন্মতি নোলোৱাৰ কথা উল্লেখ কৰি ছবিখনৰ মুক্তি নিষিদ্ধ কৰিবলৈ আদালতক অনুৰোধ জনাইছে ।
৯ জুলাইত মাদুৰাই জিলা আদালতত গোচৰৰ শুনানি গ্ৰহণ কৰি ন্যায়াধীশে ইণ্ডিয়ান ২ দলটোক কিছু সময়ৰ বাবে ৰেহাই দিয়াৰ লগতে ৰাজেন্দ্ৰৰ অভিযোগৰ প্ৰতি তেওঁলোকক সঁহাৰি জনাবলৈ সময় দিয়াৰ বাবে শুনানি ১১ জুলাইলৈ পিছুৱাই দিয়ে । লাইকা প্ৰডাকচন আৰু ৰেড জায়েণ্ট মুভিজৰ যৌথ প্ৰযোজনাৰে এই ছবিখনত হাছানৰ সৈতে গুৰুত্বপূৰ্ণ চৰিত্ৰত অভিনয় কৰিছে সিদ্ধাৰ্থ, ৰকুল প্ৰীত সিং, প্ৰিয়া ভৱনী শংকৰ, এছ জে সূৰ্য আৰু ববি সিমহাই ৷
লগতে পঢ়ক :ইণ্ডিয়ান ২ ত সেনাপতিৰ ৰূপত ছুপাৰষ্টাৰ কমল হাছান - Kamal Haasan movie Indian 2
