লণ্ডনত কীৰ্তন...ভক্তিৰসত বিলীন বিৰাট-অনুষ্কা...নেটিজেনে সুধিলে- তাতেই থিতাপি ল’লে নেকি ? - Anushka Virat in London

Anushka Sharma and Virat Kohli: লণ্ডনত ভজন-কীৰ্তনত মগ্ন অনুষ্কা শৰ্মা আৰু বিৰাট কোহলী । সম্প্ৰতি ছ’চিয়েল মিডিয়াত ভাইৰেল হৈ পৰিছে এই ভিডিঅ’। চাওক সবিশেষ...

চিটাৰা ডেস্ক, 9 জুলাই: তাৰকা দম্পতী অনুষ্কা শৰ্মা আৰু বিৰাট কোহলীৰ ধৰ্মীয় আস্থাৰ বাবে পুনৰ লাইমলাইটলৈ আহিছে ৷ বিৰাট আৰু অনুষ্কা এতিয়া লণ্ডনত ৷ ২০২৪ চনৰ টি-২০ বিশ্বকাপ জয় কৰাৰ পাচত বিৰাট কোহলীয়ে পত্নী অনুষ্কা শৰ্মা আৰু সন্তানৰ সৈতে থাকিবলৈ খৰখেদাকৈ লণ্ডনলৈ ৰাওনা হয় ৷ ইয়াৰ পিচত এতিয়া লণ্ডনৰ পৰা এটা ভিডিঅ’ ওলাইছে ৷ এই ভিডিঅ'টোত বিৰাট আৰু অনুষ্কাক কীৰ্তনত অংশগ্ৰহণ কৰা দেখা গৈছে ৷ এই ভিডিঅ'টো ছচিয়েল মিডিয়াত ক্ৰমাৎ ভাইৰেল হৈ পৰিছে ৷

লণ্ডনৰ পৰা কীৰ্তনত অংশগ্ৰহণ কৰা বিৰাট আৰু অনুষ্কাৰ ভিডিঅ’ ক্ৰমান্বয়ে ভাইৰেল হৈ পৰিছে । এই ভিডিঅ'টোত বিৰাট আৰু অনুষ্কাক অতি কেজুৱেল লুকত দেখা গৈছে । বিৰাটে বেইজ ৰঙৰ পেণ্টৰ লগত ক’লা টি-চাৰ্ট পৰিধান কৰে আৰু অনুষ্কা শৰ্মাক ক্ৰীম ৰঙৰ চুট পিন্ধি থকা দেখা গৈছে । অনুষ্কা শৰ্মা আৰু বিৰাটৰ সন্তানো তেওঁলোকৰ লগত আছে । ভিডিঅ’ দেখিবলৈ পোৱা গৈছে যে এয়া এক কৃষ্ণ দাসৰ কীৰ্তন আৰু এই কীৰ্তনত বিৰাট-অনুষ্কাই গৈ বেঞ্চ এখনত বহি থকা দেখা গৈছে ।

লগতে পঢ়ক:ভাৰতৰ ৱৰ্ল্ড কাপ জয়ত বিৰাটে কৃতিত্ব দিলে অনুষ্কা শৰ্মাক ! - virat kohli post after worldcup win

লণ্ডনত থিতাপি ল’লে নেকি বিৰাট আৰু অনুষ্কাই ?

অনুষ্কা শৰ্মাই চলিত বৰ্ষত পুত্ৰ অকায়ক জন্ম দিয়ে । অনুষ্কা শৰ্মাৰ দ্বিতীয় গৰ্ভাৱস্থাৰ সময়ত লণ্ডনতে আছিল আৰু অনুষ্কাই লণ্ডনতে পুত্ৰ অকায়ক জন্ম দিয়ে ৷ অনুষ্কা শৰ্মা আৰু বিৰাটৰ সন্দৰ্ভত কোৱা হৈছে যে তেওঁলোকে লণ্ডনত বসতি স্থাপন কৰিছে । অৱশ্যে এই দম্পতীহালে এই ধৰণৰ কোনো কথা স্পষ্ট কৰা নাই । একে সময়তে অনুৰাগীসকলেও জল্পনা-কল্পনা কৰিবলৈ আৰম্ভ কৰিছে যে বিৰাট-অনুষ্কাই লণ্ডনত নিজৰ পৃথিৱীখন প্ৰতিষ্ঠা কৰিছে ।

লগতে পঢ়ক:পুত্ৰ সন্তানৰ গৌৰৱেৰে গৌৰৱান্বিত হ’ল বিৰাট-অনুষ্কা; নাম থ’লে অকায়