অতি কম খৰচতে বিমান যাত্ৰা কৰিব পাৰে এইসমূহ দেশলৈ… আজিয়েই বুক কৰক টিকট

যদি আপুনি কিছু সময়ৰ পৰা বিদেশ ভ্ৰমণ কৰাৰ পৰিকল্পনা কৰি আছে, তেন্তে নৱেম্বৰ মাহটো ভ্ৰমণ কৰাৰ বাবে এক ভাল সময়।

নতুন দিল্লীঃ আজিৰ দিনত প্ৰায় সকলো ব্যক্তিয়েই এদিন নহয় এদিন বিদেশ ভ্ৰমণ কৰি গোটেই জীৱনটোৰ কাৰণে এক সুন্দৰ স্মৃতি সজীৱ কৰি ৰাখিব বিচাৰে। কিন্তু আমি সকলোৱে জানো যে আন এখন দেশলৈ ভ্ৰমণ কৰাৰ বাবে ভাল বাজেটৰ প্ৰয়োজন। য'ত আটাইতকৈ বেছি টকা বিমানৰ টিকটত খৰচ হয়। টিকটৰ দাম ইমানেই অধিক হয় যে সেই টকাৰে ভাৰতৰ যিকোনো পাহাৰীয়া ঠাই ভ্ৰমণ কৰাটো অধিক সহজ আৰু সুলভ ৷ কিন্তু বিমান যাত্ৰা অধিক ব্যয়বহুল বুলি হতাশ হোৱাৰ কাৰণ নাই ৷ কাৰণ এই প্ৰতিবেদনৰ জৰিয়তে আমি আপোনাক জনাম কেইখনমান এনে দেশৰ বিমান যাত্ৰাৰ বিষয়ে যাৰ মূল্য অতি কম আৰু বাজেটৰ ভিতৰত ৷

নৱেম্বৰ ভ্ৰমণৰ বাবে এটা ভাল মাহ। এতিয়া আমি আপোনালোকক সেই দেশবোৰৰ বিষয়ে ক'বলৈ গৈ আছোঁ য'ত যাবলৈ আপুনি 15,000 টকাৰ কম মূল্যত বিমানৰ টিকট বুক কৰিব পাৰে। অৱশ্যে এই অফাৰ নৱেম্বৰ মাহলৈকে বৈধ, সেয়েহে যিমান সম্ভৱ সোনকালে টিকট বুক কৰা উচিত।

1. শ্ৰীলংকা- সৌন্দৰ্যৰ ক্ষেত্ৰত শ্ৰীলংকাৰ কোনো তুলনা নাই। ইউৰোপীয় দেশবোৰৰ তুলনাত, পৰ্যটনৰ ক্ষেত্ৰত এই দেশখন তুলনামূলকভাৱে সস্তা। যদি আপুনি নৱেম্বৰত এই দেশখনলৈ যোৱাৰ পৰিকল্পনা কৰি আছে, আপুনি প্ৰায় 11,000 টকাত বিমানৰ টিকট বুক কৰিব পাৰে।
2. নেপাল- ভাৰতৰ চুবুৰীয়া দেশ নেপাল এখন সুন্দৰ আৰু শান্তিপূৰ্ণ দেশ। যদি আপুনি নৱেম্বৰ মাহত ইয়ালৈ যোৱাৰ পৰিকল্পনা কৰি আছে, আমি আপোনাক কৈ থওঁ যে আপুনি প্ৰায় 8,000 টকাৰ বিনিময়ত বিমানৰ টিকট লাভ কৰিব পাৰে।
3. ভিয়েটনাম - ভিয়েটনাম সেই দেশবোৰৰ ভিতৰৰ এক য'ত যিকোনো লোকে কম খৰচত ভ্ৰমণ কৰিব পাৰে। যদি আপুনি দেশখন ভ্ৰমণৰ পৰিকল্পনা কৰি আছে, আমি জনাই থওঁ যে বিমানৰ টিকটৰ মূল্য প্ৰায় 9,000 টকা ।
4. ছিংগাপুৰ- ছিংগাপুৰ এখন সমৃদ্ধ দেশ। যদি আপুনি তালৈ যোৱাৰ পৰিকল্পনা কৰি আছে, এই দেশলৈ যাবলৈ আপুনি প্ৰায় 10,000 টকাত বিমানৰ টিকট বুক কৰিব পাৰে।
5. ইউ.এ.ই.- পৃথিৱীৰ আটাইতকৈ ওখ অট্টালিকা বুৰ্জ খলিফা দুবাইত অৱস্থিত। গোটেই পৃথিৱীৰ পৰা পৰ্যটকসকলে ইয়াক চাবলৈ আহে। ইউ.এ.ই.-ৰ দুবাই চহৰ ভ্ৰমণ কৰিবলৈ, আপুনি প্ৰায় 10,000 টকা ব্যয় কৰিব লাগিব। এই ধন ৰাশিৰে আপুনি নৱেম্বৰ মাহত সহজেই দুবাই অভিমুখী বিমানৰ টিকট বুক কৰিব পাৰে।

লগতে পঢ়ক:পৃথিৱীৰ আটাইতকৈ চুটি বিমান যাত্ৰা, মাত্ৰ কেইছেকেণ্ডতে গন্তব্যস্থানত উপনীত হয় যাত্ৰীসকল