নেশ্য়নেল ডেস্ক, ৮ মাৰ্চ :উত্তৰ প্ৰদেশৰ বুলন্দচহৰত আজি সংঘটিত এক ভয়ংকৰ পথ দুৰ্ঘটনাত এটা পৰিয়ালৰ চাৰিগৰাকী সদস্য়ৰ মৃত্য়ু হয় । শুকুৰবাৰে দিল্লী-কানপুৰ ৰাষ্ট্ৰীয় ঘাইপথত ৰাস্তাৰ কাষত ৰখাই থোৱা এখন ট্ৰাকত দ্ৰুতবেগী ৱাগেনাৰ এখনে খুন্দা মাৰে । ফলত বাহনখনত থকা এটা পৰিয়ালৰ দুগৰাকী মহিলাৰ লগতে এটি শিশু আৰু তেওঁৰ পিতৃৰ মৃ্ত্য়ু হয় । এই ঘটনাত আন তিনিজন লোক আহত হয় ।
আৰক্ষীৰ সত্ৰ অনুসৰি, দিল্লীৰ কোণ্ডলি অঞ্চলত বাস কৰা পৱন সিঙে তেওঁৰ পৰিয়ালৰ সৈতে জিলাখনৰ পাহাচু আৰক্ষী থানা অঞ্চলৰ নাৰাউ গাঁৱৰ শিৱৰাত্ৰিত আয়োজিত এক অনুষ্ঠানত অংশগ্ৰহণ কৰিবলৈ আহিছিল । ইয়াৰ পিছত পৱনে শুক্ৰবাৰে পৰিয়ালটোৰ সৈতে এখন ৱাগেনাৰ বাহনত দিল্লীলৈ উভতি আহে । ইফালে, খুৰজা কোতৱালী অঞ্চলত অৱস্থিত বাৰাউলি কাটত ৰাস্তাৰ কাষত ৰখাই থোৱা ৱাগেনাৰখনে ট্ৰাকত খুন্দা মাৰে । ট্ৰাক চালকজনে ট্ৰাকখন ৰাস্তাৰ কাষত ৰখাই চাহ খাবলৈ গৈছিল । সেই সনয়তেই দুৰ্ঘটনাটো সংঘটিত হয় । পিচত আৰক্ষী ঘটনাস্থলীত উপস্থিতহৈ আহতসকলক ওচৰৰ ব্যক্তিগত চিকিৎসালয়ত ভৰ্তি কৰায় ।