নেশ্যনেল ডেস্ক, 4 মাৰ্চ :তেলেংগানাৰৱানাপাৰ্থী জিলাত এখন গাড়ীয়ে গছত খুন্দা মৰাৰ ফলত সংঘটিত হয় ভয়ংকৰ দুৰ্ঘটনাৰ ঘটনা ৷ দুৰ্ঘটনাত 3 শিশুসহ 5 জন নিহত হোৱাৰ লগতে আহত আন সাতজনৰ অৱস্থা সংকটজনক বুলি জানিব পৰা গৈছে ৷
সোমবাৰৰ মাজনিশা সংঘটিত হয় এই পথ দুৰ্ঘটনাটো । কোঠাকোটাৰ ৰাষ্ট্ৰীয় ঘাইপথত নিয়ন্ত্ৰণ হেৰুৱাই তীব্ৰবেগী গাড়ীখনে গছত খুন্দা মাৰে বুলি জানিবলৈ পৰা গৈছে । এই দুৰ্ঘটনাটোত তিনিটা শিশুকে ধৰি পাঁচজন লোকে প্ৰাণ হেৰুৱাইছে । হায়দৰাবাদৰ পৰা কৰ্ণাটকৰ বাল্লাৰীলৈ গৈ থকা অৱস্থাত সংঘটিত হয় এই দুৰ্ঘটনা ।
তথ্য লাভ কৰাৰ লগে লগে আৰক্ষীয়ে উক্ত স্থানত উপস্থিত হৈ উদ্ধাৰ অভিযান আৰম্ভ কৰে । আহতসকলক নিকটৱৰ্তী চিকিৎসালয়লৈ প্ৰেৰণ কৰা হয় । এই দুৰ্ঘটনাত আব্দুল ৰহমান (62), ছালিমা জী (85), শিশু ৱাচিৰ ৰাউত (7 মাহ), বুছৰা (2), আৰু মাৰিয়া (5)ৰ মৃত্যু ঘটে । চিকিৎসকে জনোৱা মতে, দুৰ্ঘটনাটোত আহত হোৱা সমীৰা (5), হুছেইন (10), শ্বাফি, কাদিৰুন্নিছা, হাবিব, আলী, আৰু শ্বাহজাহান বাইগৰ অৱস্থা সংকটজনক । আহত আলী ৱানাপাৰ্থী হাস্পতালত চিকিৎসাধীন হৈ আছে । বাকীসকলক উন্নত চিকিৎসাৰ বাবে কুৰ্ণুললৈ স্থানান্তৰ কৰা হয় ।